O Grupo Humorístico Trípode volveu actuar, despois dun mes de descanso. Esta vez foi na parroquia de Espasande de Abaixo, en Riotorto, durante as Festas do Rosario. Representaron o seu espectáculo “Xuízo anticorrupción”, no que contaron coa colaboración da orquestra contratada para a festa, “Costa Dorada”, así como de diversos veciños da parroquia, entre eles o pai do coñecido xornalista Gonzo, do programa “El intermedio”.
