+TANGO, La Canción de Bos Aires é un espectáculo integral de tango que se achegará o venres 31 ás 21.30 horas ó auditorio da Casa da Cultura de Burela. +TANGO preséntase conxugando maxistralmente a historia coa música, os personaxes coa poesía, a través dun paseo sentido polo máis profundo da música do Río de La Prata. Tamén percorrendo a maioría dos temas do seu primeiro CD homónimo.O espectador gozará a esencia do tango, coñecendo pormenores e anécdotas de cada interpretación. Música, baile e palabras serán compañeiros de viaxe, coa presenza dun elenco de artistas que senten o tango na súa pel: ALEJANDRO SZABO en bandoneón; EMILCE ROSANA, a dama de +Tango; HÉCTOR RIAL; JAVIER CONSTENla ao piano e DIEGO e ANDREA. As entradas pódense adquirir na taquilla antes do inicio da función por 9 euros e a través da venda anticipada en entradas.abanca.com e puntos de venda locais -BIBLIOTECA MUNICIPAL, CASA DE CULTURA, el “HOTEL NORDES”, CAFETERÍA “BOASMIGAS”, CAFÉ “LA MURALLA” e BINGO-KARAOKE “O’RAIO” en Burela- por 7 euros.
