Este mes de outubro volven os Foros Permanentes para Mulleres que organiza o Centro de Información ás Mulleres de Ribadeo. O vindeiro 26 de outubro terá lugar unha nova edición dos ‘Domingos a pé’. A andaina discorrerá entre Rinlo e Ribadeo pola costa. As participantes viaxarán ata Rinlo nun autobús que sairá ás 11 da mañá da praza de España, nas inmediacións do bar Breogán. As interesadas en acudir a esta actividade poden obter máis información e inscribirse no CIM ou chamando ao seguinte número de teléfono: 982 120 739.