Preservar o carácter e o patrimonio histórico e estético dunha comunidade proporciona sensación de pertenza e continuidade, e de amor ó que nos caracteriza e singulariza. Toda actuación urbanística ou social, allea a estes postulados, son negadores dos valores culturais, das vivencias colectivas de xeracións precedentes e da ensinanza que para as sucesivas pode ser o labor desenvolvido polos devanceiros, con evidente empobrecemento.. Exemplos hai de cidades e vilas , respectuosas co pasado e coas sinais de identidade que a obra material ou inmaterial das xentes deixou cal testemuña do seu paso polas terras que amaron, pero que xa non son as mesmas porque, a inexorable evolución, imparable, transforma as realidades vitais ata convertelas noutras que nos resultan irrecoñecibles. Na banda oposta atópanse as actuacións de quen, sen miramentos nen consideración ós valores apuntados; é decir, carentes da precisa sensibilidade, actúan como depredadores dos devanditos valores, a veces imperceptibles para quen ostentan a gobernación e que marcan a lamentable pauta na marcha cívica dos pobos, e en ocasións, non sen razón, fálase do conveniente de “humanizar” o que a barbarie institucional masacrou previamente. Esta realidade é mais frecuente do desexable… A elucubración que antecede sirve de introito ó feito que en Foz estamos a vivir: o carismático e histórico Cine Cageao que durante trinta anos (ata o 63), fora marco, non só das proxeccións do cinema, senon de incontables actos culturais, literarios, folclóricos, teatrais, sociais, lúdicos etc., que dende haj 50 anos tivo continuidade en novo emprazamento; afastado de tal función, recupera o obxetivo cultural que o inspirara hai 80 anos; troque realizado dende o respecto ós seus orixes (1935), elementos constructivos, a estética e singularidade. Contrapunto ó que se víu facendo sobre todo dende a tolemia urbanistica dos últimos 20 anos. En adiante ocupará tan senlleiro lugar a Librería Bahía que, cincuentenaria, enceta nova singradura co acceso á mesma da segunda xeneración…
Suso Fernández
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
