Santiago, 14 de outubro de 2014.- O voceiro do Mar do Grupo Popular, Jose Manuel Balseiro, defendeu que tanto o Ministerio como a Xunta de Galicia “teñen actuado desde o minuto cero” en apoio dos sectores afectados polo veto ruso aos produtos alimentarios europeos e defendeu as medidas específicas que se teñen previsto impulsar no ámbito concreto do sector da pesca.
Os populares rexeitaron deste xeito a iniciativa do Grupo Socialista formulada na Comisión de Pesca e Marisqueo do Parlamento de Galicia porque “é unha petición que chega tarde”, cando reclama medidas que “xa foron aprobadas polas administracións ou que están en pleno desenvolvemento”.
MEDIDAS EN APOIO DO SECTOR DA PESCA
Balseiro foi moi crítico cos socialistas aos que acusou de “buscar simplemente un titular”, desprezando todo o traballo feito en apoio destes sectores. “O verdadeiro titular é que o PSOE galego non traballa, porque do contrario saberían que o Goberno esta levando acabo todas as medidas necesarias para dar unha solución á situación descrita, aplaudidas incluso desde a Junta de Andalucía”, indicou.
Balseiro explicou que a Xunta impulsa, co Goberno de España e o resto das comunidades de autónomas, un catálogo de medidas variadas entre as que están as dirixidas á apertura de novos mercados alternativos para os produtos alimentarios vetados (internacionalización); a constitución de Grupos de Traballo entre as diferentes administracións e por sectores, para ir detectando impactos en cada mercado e presentando medidas acordes a cada incidencia; ou as axudas directas para a retirada de produtos agrícolas.
No ámbito particular da pesca, Balseiro destacou que se está a facer un “arduo traballo” e destacou as medidas de asistencia financeira e flexibilidade, como as dirixidas a aprazar ao ano próximo ata nun 30% das súas posibilidades de pesca, ou o estudo de axudas ao almacenamento privado de especies, como o marujito, que captura a flota viguesa no Atlántico Suroccidental e para o que hai disposto un fondo que conta con 45 millóns de euros que permitirían á flota apartar a súa produción non perecedoira ata identificar novos mercados para a súa distribución.
EN GALICIA, UN MENOR IMPACTO DO VETO
O portavoz do Mar do Grupo Popular sinalou que en Galicia o impacto total do veto é menor que no resto de España, xa que se destina a Rusia o 0,07% do total de exportacións de produtos alimentarios, na súa maioría, procedentes da pesca
Pola contra, no conxunto de España o ámbito máis prexudicado é o dos produtos da horta, polo volume de exportacións e o seu carácter perecedoiro. Neste caso, España destina a Rusia o 1,8% das exportacións dos produtos agroalimentarios e pesqueiros que se envían a todo o mundo.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
