A Mariña, 11 de outubro de 2014.- A CIG Ensino acusa á Consellaría de ser a responsable do que está acontecendo no IES Vilar Ponte de Viveiro e mostra unha vez máis o seu apoio á comunidade educativa nas súas demandas.
A CIG Ensino é consciente de que a única culpable desta situación conflitiva non foi outra que a propia Consellaría a través da Inspección educativa ao ter comprometido manter o número de profesorado e unha semana despois de xa ter comezado o curso comunicarlle ao centro que tiña un profesor menos. Isto provocou a dimisión da dirección por sentirse enganados e non asumir un cambio que provocaría –como estamos vendo- un caos e unha diminución da calidade educativa no centro. “É curioso que a Consellaría apele á profesionalidade do profesorado (que a ten máis que demostrada polos resultados obtidos durante anos) cando a súa queda en entredito neste como noutros casos dados na comarca este curso”, afirma a secretaria da CIG-Ensino da Mariña, Dores Fernández Abel.
A CIG Ensino ten denunciado a supresión sistemática de unidades escolares e de profesorado nos centros de ensino da comarca da Mariña o que leva aparellado unha diminución importante da calidade do ensino público. Nos últimos 5 anos houbo unha supresión de case 100 profesores e profesoras na Mariña e sobre 3.000 en toda Galiza o que supón máis dun 10% menos. A isto hai que sumar o aumento de profesorado con materias afíns, a aumento de profesorado que comparte centro, o aumento dos agrupamentos de escolares de distintas idades e o abandono por parte da Consellaría do alumnado con necesidades educativas específicas e de atención á diversidade.
A CIG volve a reclamar da Consellaría que busque unha solución de consenso pero sobre todo unha solución que pense na mellora da calidade educativa para o alumnado do centro. “Non pode a Consellaría ter unha actitude de enfrontamento con toda a comunidade educativa e alongar esta situación. Debería sentarse co claustro de profesores e a anpa e reconducir a situación para restablecer a normalidade.”
Dores Fernández Abel
Secretaria da CIG Ensino da Mariña.
Nesta ocasión, a data elixida para desenvolver a actividade é o sábado 7 de decembro, ás 12:00 horas, na Casa do Concello; e ás 17:00 horas, na Casa da Cultura. Os Beléns de plastilina permanecerán expostos ao público durante todo o Nadal.
No acto ligado a esta formación, que rematou hoxe e deu comezo o pasado 11 de novembro, estiveron o presidente da Apehl, Cheché Real; o director do Instituto Galego do Viño (Ingavi), centro responsable da formación, Xoán Cannas, e a alcaldesa de Vilalba, Marta Rouco.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celebráronse no CFEA Pedro Murias. O programa incluiu tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
