Os lobishomes son seres humanos que se converten en lobos. Os galiñomes son seres humanos que se converten en galiñas, pero nunhas galiñas malvadas e asasinas. Este vindeiro sábado, día 5, ás 20,00 horas, na Casa da Cultura de Alfoz, poderemos coñecelos se acudimos a ver a obra do Grupo de Teatro Xuvenil “A Maseira”, que presentará a obra “A invasión dos galiñomes”. 18 actores do instituto Alfoz-Valadouro, acompañados do incrible cómico local “Cachín”, farán as delicias daqueles que se acheguen.