Ribadeo, 28 de xullo de 2014. Trescentos nenos e nenas participaron nas actividades de verán que para eles organizou o Concello ribadense. Un dos obxectivos das Concellarías de Cultura, Mocidade e Deportes, que levan a cabo a través da OMIX esta programación, “é o apoio ao desenvolvemento da actividade xuvenil, e máis concretamente a realización de programas de acción referidos á ocupación do tempo libre. Para acadar este obxectivo, púxose en marcha, un ano máis a tradicional campaña de verán, que vén recibindo unha enorme aceptación entre o nenos e nenas de Ribadeo”.
Desde o Concello sinalan que “todo isto para atender as expectativas e responder aos intereses da xuventude no seu tempo libre, potenciando o traballo en equipo, a convivencia, a igualdade, o tolerancia e posibilitando o coñecemento do seu contorno próximo (ambiental e cultural), así como o doutras culturas, tradicións e costumes a través de experiencias novidosas e enriquecedoras, dentro do que se denomina ocio formativo”.
Ao longo das últimas semanas houbo colonias para nen@s de primaria e infantil en horario de 9 a 14 horas, do 30 de xuño ao 25 de xullo, que se realizaron no colexio Gregorio Sanz. “O que quixemos neste caso foi facilitar unha alternativa de ocio para os máis pequenos que potencie a cultura creativa, en igualdade, emprendedora entre os nenos e nenas, enfocándoos cara a condutas e actitudes de colaboración, cooperación, coordinación, crecemento da identidade a autonomía persoal”, engaden desde as Concellarías organizadoras.
Tamén houbo deportes: fútbol , baloncesto 3×3 e béisbol do 2 ao 18 de xullo na praza de España en horario de 10:30 a 13:30 horas.
Os nen@s de Ribadeo tamén gozaron de campamentos este verán. Rumbo ao mundo. Un verán para viaxar estivo destinado a nenos e nenas de 9 a 11 anos do 1 ao 8 de xullo nas instalación do colexio Gregorio sanz. “O campamento ofreceulles aos nenos e nenas a posibilidade de vivir unha aventura e converterse en exploradores do mundo. Para levala a cabo tiveron que facelo en equipo, convivindo e cooperando entre eles/as. O que lles permitiu abordar de xeito práctico determinados contidos educativos que resultan fundamentais para o seu desenvolvemento como seres sociais como son a igualdade de xénero, a tolerancia, a solidariedade, a multiculturalidade, a cultura da paz entre outros”, indican desde o Concello.
E Encoro de Cecebre estivo dirixido a nenos e nenas de 11 a 14 anos do 12 ao 21 de xullo e tivo por escenario concretamente o parque natural de Abegondo-Cecebre. “Neste marco incomparable desenvolveron o programa de actividades sendeiro: granxa Escola. As actividades que se realizaron na granxa escola, complementaron a labor educativa da educación formal mediante un contacto directo coa natureza por parte dos nenos/as, sendo estes os seus principais beneficiarios/as. As actividades (obradoiros, fabricación de queixo, pan, actividades deportivas e lúdicas: equitación, piragüismo, tiro con arco, rappel, tirolina, sendeirismo…) encamiñáronse a disfrutar das actividades deportivas, recreativas e de ocio, fomentar o respecto e o coidado cara os animais e en xeral cara o medio ambiente, colaborar na elaboración de produtos artesanais, desenvolver a sensibilidade e o respecto polas costumes do entorno rural, o traballo en equipo e as relación inter persoais”.
Desde as Concellarías de Cultura, Mocidade e Deportes agradecen “a participación dos nenos e nenas de Ribadeo nestas actividades. E alegrámonos de que viviran unha experiencia gratificante e moi enriquecedora”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
