Foz, 28 de xullo de 2014. A charla titulada A pesca na Mariña, que correrá a cargo do cronista oficial de Viveiro, Carlos Nuevo Cal, e será a primeira do foro Días de mar, aprázase para este venres, día 1 de agosto. Terá lugar ás 20:30 horas no Cenima de Foz.
A segunda conferencia leva o título de Problemática actual da pesca e será impartida polo capitán de pesca José Pino González. Está programada para o día 9 de agosto, sábado, ás 12 do mediodía.
O día 30 de agosto, sábado, ás doce do mediodía terá lugar a charla titulada Bitácora de navegante a cargo do práctico de porto e capitán da mariña mercante Andrés Díaz Ferro.
A cuarta conferencia será o 13 de setembro, sábado, ás 12 do mediodía, titúlase Un mar de cultura e será impartida polo mestre e escritor Vicente Míguez Salgueiro.
O foro rematará coa charla titulada Construción dunha comunidade mariñeira, a cargo do profesor de Antropoloxía da Universidad Nacional de Educación a Distancia José Manuel Montero Llerandi. Será o 27 de setembro, sábado, ás doce do mediodía.
Este ciclo está organizado polo Seminario de Estudos Terras de Viveiro e o Concello de Foz.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
