Burela, 2 de xullo de 2014. Dez socorristas velarán pola seguridade dos bañistas nas praias de A Marosa, Portelo e Ril desde o vindeiro sábado, 5 de xullo, en horario de 11 da mañá a oito da tarde. O proceso de selección do persoal terá lugar mañá. O alcalde, José Mª González Barcia, tamén subliñou que o vindeiro luns, 7 de xullo, a mediodía terá lugar o izado das bandeiras azuis nos areais bureleses.
O rexedor dixo que “para este próximo sábado está previsto que comecen a traballar nos tres areais bandeira azul que temos en Burela (A Marosa, Portelo e Ril) dez persoas contratadas para exercer funcións de socorristas. O proceso selectivo vai ter lugar mañá, xoves. Tíñamos previsto telo feito antes, pero por cuestións administrativas completamente alleas ao Concello tivemos que pospoñelo dous ou tres días. Aínda así chegamos a tempo para este primeiro fin de semana de xullo”.
Segundo González Barcia “trátase de dez socorristas que van estar de forma permanente dende as 11 da mañá ata as 8 da tarde nas tres praias indicadas durante todos os días da semana. Acabarán o seu traballo o día 2 de setembro”.
O alcalde de Burela tamén indicou que “o vindeiro luns a mediodía vamos izar as bandeiras azuis nas tres praias: na de A Marosa, que é a máis antiga de todas; na de Portelo e na de Ril, que é o segundo ano que ten a bandeira azul e que se recupera con respecto á situación anterior. Non se optou por poñer as bandeiras durante este fin de semana, porque aquí, en Burela, estamos bastante cargados de actividades, empezando pola festa castrexa e acabando, por exemplo, polo seminario de seguridade a bordo que se vai celebrar este sábado na confraría de pescadores. Polo tanto, tendo isto en conta, optamos por trasladar o izado das bandeiras azuis para o vindeiro luns a mediodía”.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
