A Mariña, 3 de xuño de 2014.- O deputado do Partido Popular de Galicia, Vidal Martínez-Sierra destacou que o paro rexistrado no mes de maio na Mariña lucense presentou un mellor comportamento a nivel mensual e interanual que a media do conxunto da provincia e de Galicia.
Máis en concreto, o mes pasado rematou con 168 desempregados menos, o que en termos relativos se traduce nun -3,09 por cento. En termos interanuais, a baixada foi de 470 persoas (isto é -8,19 por cento).
Trátase dunha baixada superior á rexistrada en maio a nivel provincial, onde a porcentaxe foi dun -2,67% de parados menos e tamén superior que a cifra que se obtivo en Galicia, do -2,48%. É dicir, o paro cae máis na Mariña que no seu contorno directo.
Do mesmo xeito, con respecto ao mes de maio de 2013, o paro baixou en Galicia en -7,20 puntos e na provincia de Lugo nun -7,98%, cifras ambas inferiores ás rexistradas na Mariña.
O parlamentario popular asegurou que todos os esforzos realizados a nivel económico por parte do Goberno de Feijóo e do Goberno de Rajoy están dando os seus froitos, tal e como reflicten as cifras macroeconómicas, especialmente, as que máis preocupan aos populares, que son as do paro. Sinalou tamén que desde que comezou 2014 mes tras mes cae o número de parados rexistrados nas oficinas de emprego da nosa comarca.
Evolución mensual:
| abr-14 | may-14 | Diferencia | ||
| ALFOZ | 109 | ALFOZ | 105 | -4 |
| FOZ | 726 | FOZ | 697 | -29 |
| LOURENZÁ | 147 | LOURENZÁ | 118 | -29 |
| MONDOÑEDO | 253 | MONDOÑEDO | 239 | -14 |
| VALADOURO, O | 122 | VALADOURO, O | 119 | -3 |
| BURELA | 777 | BURELA | 785 | 8 |
| A MARIÑA CENTRAL | 2.134 | A MARIÑA CENTRAL | 2.063 | -71 |
| CERVO | 308 | CERVO | 312 | 4 |
| XOVE | 189 | XOVE | 194 | 5 |
| OUROL | 68 | OUROL | 70 | 2 |
| VICEDO, O | 128 | VICEDO, O | 126 | -2 |
| VIVEIRO | 1.426 | VIVEIRO | 1.378 | -48 |
| A MARIÑA OCCIDENTAL | 2.119 | A MARIÑA OCCIDENTAL | 2.080 | -39 |
| BARREIROS | 189 | BARREIROS | 172 | -17 |
| PONTENOVA, A | 145 | PONTENOVA, A | 137 | -8 |
| RIBADEO | 786 | RIBADEO | 756 | -30 |
| TRABADA | 63 | TRABADA | 60 | -3 |
| A MARIÑA ORIENTAL | 1.183 | A MARIÑA ORIENTAL | 1.125 | -58 |
| 5.436 | 5.268 | -168 | ||
| Mariña | -3,09 |
| Lugo | -2,67 |
| Galicia | -2,48 |
| España | -2,39 |