Cervo, 4 de xuño de 2014- A sección de piragüismo do Club Deportivo San Ciprián e o Concello de Cervo anunciaron este mércores as datas do curso de iniciación ao piragüismo de carácter gratuíto que todos os anos imparte o club durante a época estival no encoro de Río Covo. Neste caso durará tres días, do 18 ao 20 de xuño, en horario de 16 a 18 h. e está dirixido a nenos e nenas de entre 8 e 12 anos.
Un curso no que o alumnado recibirá nocións básicas sobre este deporte acuático e durante o cal poderá realizar pequenos percorridos en piragua. O prazo de inscrición está aberto ata o 16 de xuño e poderá realizarse por correo electrónico na dirección piraguismosanciprian@gmail.com, no teléfono 619 57 63 86 ou a través da ficha de inscrición incluída no tríptico que se repartirá nos centros escolares do municipio. Os únicos requisitos para participar é que saiban nadar e que non teñan ningunha patoloxía que impida a práctica de exercicio físico, xa que todo o material necesario será achegado polo club.
A presentación dos cursos tivo lugar hoxe no mesmo encoro de Río Covo e nela participaron o alcalde de Cervo, Alfonso Villares, o edil de Deportes, Luis Guillén, o monitor de piragüismo Javier García Garza, e o adestrador Miguel Ángel Gargallo. Guillén asegurou que “dende o Concello seguimos apoiando a actividade da sección de piragüismo, e en concreto os cursos de verán, que son unha boa forma de animar aos nenos e nenas a dar os seus primeiros pasos no piragüismo, coñecer este deporte e, se lles gusta, continuar practicando”. O edil destaca tamén a “excelente labor que realiza o club no fomento do piragüismo, traballando con ilusión dende as categorías de base”.
Curso de perfeccionamento
Ao mesmo tempo, poucos días despois do remate do curso de iniciación, arrincará unha actividade de perfeccionamento. Nela poderán participar os alumnos que asistisen ao de iniciación e queiran ampliar coñecementos, ou calquera neno ou nena que teña algunhas nocións aínda que non acudise ao curso inicial. Neste caso, desenvolverase do 24 de xuño ao 8 de xullo en horario de 16 a 18 h. e terá un custo de 20 euros.
Un curso de perfeccionamento que tamén está pensado para nenos de entre 8 e 12 anos e cos mesmos requisitos que o de iniciación. Da mesma maneira, unha vez rematado este curso, todos os nenos que o desexen poderán incorporarse á sección de piragüismo do CD San Ciprián, que inclúe adestramentos periódicos e outros exercicios así como a asistencia a competicións.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
