A Deputación de Lugo abrirá mañá venres o prazo para solicitar as axudas do seu novo plan de 1,7 millóns de euros en apoio ó sector primario e ó medio rural, unha vez publicadas este xoves as bases da convocatoria no Boletín Oficial da Provincia (BOP). Os particulares e colectivos interesados poderán presentar as peticións ata o vindeiro 2 de agosto, e as subvencións estarán concedidas en setembro. Os requisitos, documentación requirida e procedemento para formalizar as solicitudes poden consultarse no BOP deste xoves, así como na páxina web da Deputación www.deputacionlugo.org na área de Cooperación e Asistencia ós Concellos.
O plan consta de tres liñas de axudas:
– Recuperación de terras abandonadas. A Deputación de Lugo convértese na primeira institución provincial de Galicia en ofrecer ós gandeiros e agricultores axudas directas para este fin, que poderán chegar ós 9.000 euros por beneficiario. O obxectivo é facilitar recursos económicos ós produtores para que poidan aumentar a base territorial das explotacións e mellorar deste xeito a súa rendibilidade, ademais de favorecer a recuperación da poboación, a prevención de incendios, o control da fauna salvaxe e unha axeitada ordenación do territorio. Estas axudas concederanse a quen realmente vive e traballa no campo, pois os beneficiarios deberán xustificar coa declaración da renda que o 50% dos seus ingresos procede da actividade agropecuaria. Poden solicitalas gandeiros ou agricultores a título individual; agrupacións de gandeiros ou agricultores; Sociedades Agrarias de Transformación (SATs); ou persoas xurídicas que teñan a titularidade de explotacións.
– Instalación ou mellora de traídas de auga. Este é un servizo municipal básico moi custoso e que moitos concellos non teñen capacidade económica para garantilo, polo que a Deputación abriu unha liña específica de axudas, que serán dun máximo de 30.000 euros para instalar unha nova rede de abastecemento e de ata 10.000, no caso de proxectos de mellora de infraestruturas existentes. Os beneficiarios poden ser comunidades de usuarios, asociacións de veciños e entidades veciñais sen ánimo de lucro, e comunidades de montes, en tódolos casos sempre e cando teñan personalidade xurídica propia.
– Infraestruturas de uso comunitario que melloran a calidade de vida da xente do campo e facilitan o seu traballo. Trátase, entre outras, de arranxo e sinalización de camiños públicos de acceso a explotacións, terras, camiños forestais e núcleos rurais, fontes, prazas públicas, bebedoiros de uso común, depósitos contra incendios, sistemas de regadío ou limpeza de rutas de sendeirismo e sendeiros. O máximo por beneficiario será de 12.000 euros. Poden pedilas asociacións de veciños e entidades veciñais sen ánimo de lucro, comunidades de montes, agrupacións de gandeiros e agricultores, ou de produtores forestais, e colectivos de usuarios.
Os criterios de valoración para outorgar estas axudas, convocadas en réxime de concorrencia competitiva, son totalmente obxectivos e a mesa de valoración será estritamente técnica.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
