Cervo, 21 de maio de 2014.- O Concello de Cervo informa de que leva varias semanas traballando para acondicionar as piscinas descubertas de Río Covo de cara á temporada de verán. En concreto, a administración local realizou diversas obras e reparacións para un mellor funcionamento. Unha delas foi a construción de novas canalizacións na piscina principal que permitan unha óptima distribución do cloro por todo o vaso e unha maior renovación da auga.
Unha obra que implicou ademais outros cambios na sala de máquinas para a mellora da circulación da auga. Unhas actuacións que o Concello tiña que realizar para atender as esixencias da nova normativa sanitaria que entrou en vigor hai menos dun ano.
Uns traballos que a administración local executou con recursos propios e que eran o paso previo ás obras de mantemento que se realizan todos os anos para acondicionar as instalacións de cara ao verán. Unhas tarefas que afectan tanto ao vaso principal como ao infantil e que comezan co baleirado da auga.
Despois, iníciase a reparación do revestimento e os azulexos e vólvese encher a piscina con auga renovada á que se lle aplicará un tratamento de cloro. E como paso previo á apertura da piscina o Concello traballará no control de todos os parámetros de calidade da auga para que estea en perfecto estado, cumpra coas normas sanitarias e permita a súa apertura a principios de xullo. Unhas tarefas que se iniciarán a próxima semana.
“Estamos traballando con moitas semanas de antelación co obxectivo de que chegado o momento de iniciar a temporada de baño todos os veciños e visitantes teñan dispoñibles estas instalacións” explica o edil de Deportes, Luis Guillén, que xunto co alcalde de Cervo, Alfonso Villares e técnicos municipais comprobaron o remate dos traballos.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
