A Deputación de Lugo conseguiu reducir en case 50.000 euros máis os gastos correntes no último ano grazas á e-administración, que na actualidade permite, tanto a cidadáns, como empresas e outras administracións, realizar máis de 50 trámites administrativos de xeito completamente telemático co organismo provincial.
Hoxe en día son máis de 50 trámites, tanto internos coma externos, os que se poden realizar on line. Estes trámites correspondéronse o pasado ano cun total de 2.100 expedientes administrativos, nos que se asinaron telematicamente outros tantos documentos, a través de 1.808 entradas na sede electrónica da Deputación, á que se pode acceder dende a web www.deputacionlugo.org.
Deste xeito, a administración electrónica permite tanto a cidadáns coma empresas e outras administracións, realizar ducias de procedementos sen ter que desplazarse ata as sedes dos servizos provinciais, achegando deste xeito a administración ós seus usuarios e axilizando os prazos.
Máis de 50 prazos
Os cidadáns poden, de xeito sinxelo a través dun ordenador ou dispositivo móbil, solicitar información e inscribirse en calquera das múltiples xornadas e divulgación ou accións formativas que organiza a Deputación ó longo do ano; acceder á documentación conservada no Arquivo Provincial; concertar citas previas cos distintos departamentos; trasladar as súas queixas e suxerencias; comunicar calquera tipo de incidencia nas vías provinciais; etc.
Do mesmo xeito, e atendendo á obrigada adecuación ó Esquema Nacional de Seguridade nas Administracións Públicas, en vigor dende o 1 de xaneiro deste ano, calquera pode realizar de xeito telemático os trámites necesarios para acceder, rectificar ou cancelar calquera información protexida pola Lei Orgánica, de xeito inmediato e sen ter que desplazarse ata a sede provincial.
Tamén as empresas da provincia poden beneficiarse de múltiples vantaxes: facer os trámites necesarios para obter as marcas LugoSabe e Lug02; sumarse á plataforma de comercio electrónico www.losproductosdelugo.com, ou tramitar as súas facturas. Grazas á factura electrónica, a Deputación de Lugo é a 1ª das galegas en rapidez de pago a proveedores, cunha media de 8,9 días dende que se conforma a factura ata que esta se aboa.
Tamén os Concellos da provincia poden beneficiarse deste tipo de trámites telemáticos. As entidades locais da provincia poden acceder á central de compras da Deputación; facer consultas sobre cuestións de tipo xurídico ou técnico sobre procedementos administrativos, así como resolver calquera tipo de dúbida en relación coas novas tecnoloxías de xeito inmediato as 24 horas do día, entre outros servizos.
Aforro en gastos correntes
A implantación das novas tecnoloxías no funcionamento ordinario da administración é só unha das medidas adoptadas na Deputación que permitiron que os gastos correntes se reduciran en 4,6 millóns de euros dende o 2009, un 23,4%. De feito, o pasado ano a Deputación de Lugo tan só dedicou un 16,7% do seu Orzamento a este tipo de gastos.
Algunhas das medidas que fixeron posible este aforro rexistrado nos últimos cinco anos, foron a redución dos gastos de telefonía, os de material de oficina, ou do subministro eléctrico das dependencias provinciais.
En canto ós gastos de telefonía, tanto móbil como fixa, diminuíron en 130.000 euros ó ano, grazas a un novo contrato de telefonía, que reduciu as liñas de telefonía móbil a 78; estableceu cotas de consumo de 25 a 50 euros; estandarizou as tarifas de datos de todos os dispositivos móbiles e restrinxiu as chamadas saíntes, así como a posta en marcha dun servizo de telefonía de Voz sobre IP, de comunicacións telefónicas a través da rede, que permite que as chamadas internas, tanto a teléfonos fixos como a móbiles corporativos, sexan totalmente gratuítas.
Do mesmo xeito é destacable a contención nos gastos de material de oficina, que fixo posible un aforro de 1,1 millóns de euros grazas, non só á implantación das novas tecnoloxías, senón tamén a novas fórmulas de contratación: o contrato de aluguer de equipos multifunción, como fotocopiadoras e impresoras, ou a substitución do papel timbrado, que antes se encargaba a unha empresa, por plantillas informáticas.
Outra iniciativa de racionalización dos gastos correntes foi a reforma do contrato do subministro eléctrico nas dependencias provinciais. Tras o análise individualizado que realizaron os técnicos da Axencia Provincial da Enerxía, detectáronse algúns problemas de eficiencia que, unha vez solucionados, permitiron utilizar de forma más axeitada os recursos dispoñibles. Esta racionalización do gasto enerxético deu como resultado un aforro de 135.000 euros na factura da luz.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
