A Escola Municipal de Música e Danza de Ribadeo celebra as audicións do seu vixésimo aniversario entre este luns 7 de abril e o mércores 30. Comezaron o luns con frauta e oboe, mentres que o martes foi a quenda de música e movemento (no Auditorio). Este mércores celébranse as de violín e canto, mentres que o xoves 10 de abril serán as de vento metal e o venres saxofón. As audicións rematarán o mércores 30 de abril no Auditorio coas de danza e ballet. Agás nos casos que se indica que se celebran no Auditorio, as audicións terán lugar a partir das 20.00 horas na Casa do Mar.