Foz, 19 de marzo de 2014. Os portavoces municipais de Foz reuníronse con responsables da empresa Gestagua e co técnico encargado de asesorar ao Concello para analizar como debe aplicarse a actualización do prezo do subministro de auga, que leva sen facerse dende o ano 2007. O alcalde, Javier Jorge Castiñeira, destaca e agradece a boa disposición que houbo por parte de todos os participantes na xuntanza.
O rexedor municipal explicou que “este martes a xunta de portavoces, formada polos responsables dos grupos políticos da corporación municipal de Foz, reunímonos cos responsables da empresa Gestagua, que é a concesionaria do servizo de augas e depuración do noso concello, e tamén participou na xuntanza o técnico ao que se lle encargou o asesoramento ao Concello neste asunto. Teño que agradecer o clima da reunión por parte de todos os portavoces e tamén dos responsables da empresa. O técnico explicounos perfectamente cal é o desenvolvemento desa fórmula de actualización, porque hai que entender que contractualmente hai un compromiso con Gestagua de actualizar os prezos todos os anos de acordo a unha fórmula na que se aplica o custe da man de obra, da enerxía eléctrica e do tubo. No seu momento había discrepancias en que coeficientes aplicar e o técnico aclarou perfectamente a situación e despois abriuse unha liña de negociación coa empresa”.
Javier Castiñeira engadiu que “todos sabemos que contractualmente isto está ocasionando uns prexuízos a Gestagua por unha débeda que está practicamente cuantificada. A maioría dos grupos entendemos que a fórmula debe aplicarse de acordo ao informe que fixo o técnico e a partir de aí entramos agora nun momento da negociación coa empresa Gestagua para ver como se fai progresivamente esa actualización de prezos. Entendemos dende a corporación que facela toda de golpe sería un grave prexuízo polo que queremos levala a cabo de forma progresiva, pero evidentemente debe entenderse que hai un contrato no que se contempla unha actualización de prezos e dende o ano 2007 os abonados de Foz non tiveron a suba da auga que correspondía por contrato. Por esta situación está sufrindo un grave prexuízo a empresa, que llo trasladará ao Concello”.
O alcalde destacou que na xuntanza de onte “houbo un bo clima e bastante acercamento buscando unha solución a esas débedas. Os grupos expuxeron as súas inquedanzas aos propios responsables de Gestagua, intercambiamos opinións e quero felicitar aos representantes dos grupos políticos e aos de Gestagua porque creo que hai un bo clima para solucionar este problema, que se non se resolve agora ocasionará débedas importantes ao Concello que lle afectarán a esta corporación e a seguinte, posto que o contrato remata no ano 2017. Polo tanto creo que esta é a forma de afrontar este grave problema e espero que se solucione o antes posible”.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
