A ACD Penalba-Colectivo Chilindrín de Celeiro convoca por cuarto ano consecutivo un CONCURSO para a realización do cartel da XVII EDICIÓN DA FESTA DA MERLUZA DO PINCHO DE CELEIRO.
O concurso, con dúas categorías, infantil e adulto, terá como premios un lote de libros na edición infantil, e 200 euros na edición para os adultos. Ademais o cartel gañador dos adultos, será o cartel oficial da XVII Festa da Merluza do Pincho de Celeiro, que se celebrará o 19 de xullo de 2014 na Lonxa Vella do Porto de Celeiro.
As bases da convocatoria estarán a disposición dos interesados no facebook da ACD Penalba – Colectivo Chilindrín e remitianse por mail a todos aqueles que o soliciten no correo colectivochilindrin@gmail.com.
O prazo para presentar os proxectos remata o día 23 de maio de 2014 e o concurso fallarase inmediatamente despois valorando principalmente a orixinalidade, estilo, técnica, relación co mar e coa festa da merluza, así coma a expresividade artística do cartel.