Lugo, 8 de marzo de 2014. A sala de exposicións do Pazo de San Marcos acolleu, esta mañá, os actos organizados pola Vicepresidencia da Deputación de Lugo a través da área de Igualdade, con motivo do Día Internacional das Mulleres. A xornada, na que estivo presente o vicepresidente da institución provincial, o nacionalista Antonio Veiga, así como o delegado de Cultura e Turismo, Mario Outeiro; e que estivo presentada pola xornalista luguesa Pilar García Cheda, comezou coa representación da peza “A cousa nosa”, a cargo de Cristina Sánchez, Eva Valle, e Nieves Neira, da Asociación 3Monos.
O acto central consistiu na lectura colectiva do manifesto “Por un 8 de marzo comprometido coa loita feminista”, na que interviñeron Tareixa Campo e Josefina e Purificación Janeiro, da Asociación a Ravela de Barallara, que fixeron referencia ás palabras de Rosalía de Castro como premonitorias do duro camiño que había andar o feminismo para denunciar a discriminación das mulleres.
Continuou coa lectura do manifesto Digna Lagarón, da Plataforma de afectadas polas preferentes, que insistiu en que a desculpa da crise está a levar por diante responsabilidades sociais que estaban en proceso de se consolidar, por entender que son o Estado e os poderes públicos os que deben garantir unha cobertura imprescindíbel para posuíren as mulleres a necesaria autonomía e independencia económicas.
As “Mulleres de Lugo”, durante a súa intervención, exemplificaron medidas que supoñen violencia cara as mulleres, como a falta de escolas infantís, o desmantelamento das políticas que amparan a dependencia, o ataque aos servizos públicos, o apoio á banca, a reforma laboral, o incremento desmesurado do paro, a redución das prestacións por desemprego, as desigualdades salariais, as baixísimas pensións…
Pola súa banda, Chus Méndez, centrou a súa lectura nun tema polémico na actualidade: o aborto, explicando que non recoñecer o dereito ao aborto na sanidade pública afonda nas desigualdades sociais, ao dividir entre as mulleres que poderán desprazarse, moverse acudir a outros lugares e as que se terán que conformar con prácticas clandestinas e riscos para a súa saúde e a súa vida.
As representantes da Asociación Enriqueta Otero e Mulleres da Insua, que foron as últimas en intervir referíronse á volta atrás que se está a vivir en materia de igualdade de xénero, unha problemática que tamén recoñecen estaba representada nos versos rosalianos.
Nesta xornada dedicada ao Día Internacional das Mulleres tamén interviñeron Maruxa Bardasco, traballadora do eido dos servizos sociais no rural, que exerce a súa profesión na montaña luguesa; e Antonia Semedo Lopes, redeira de San Cibrao e integrante do grupo musical caboverdiano Batuko Tabanka.
Veiga pechou a quenda de intervencións insistindo na idea de que “non queremos celebrar un 8 de marzo ritual e si aspiramos a un 8 de marzo comprometido coa loita feminista o 9 e 0 10 e o 11 e o 12 e o 13 e o 14… e así os 365 días do ano”.
Así mesmo, a cantante Sés puxo o broche final ao acto coa súa colaboración musical
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
