Ribadeo, 19 de febreiro de 2014. O alcalde, Fernando Suárez, prevé que a vindeira semana se celebre o pleno no se aprobará a licitación das obras de construción da residencia de maiores de Ribadeo. Unha vez cumpridos todos os trámites eses traballos poderían iniciarse a finais da primavera ou principios do verán. O Concello acolleu a última hora da tarde de onte unha reunión da xunta de portavoces.
O rexedor explicou que “onte celebramos esta xunta de portavoces onde lles fomos dando conta, a través dos técnicos municipais, en qué fase se encontra a tramitación para a licitación da importante obra da residencia de maiores e contamos, si non hai novidade, que para a vindeira semana se poidan celebrar as comisións informativas e o pleno que aprobará o proxecto que sairá a concurso aberto. Na sesión tamén se aprobará o compromiso de asunción da parte que resta, que non porá a Deputación e que asumirá o Concello, en tanto a Xunta de Galicia non cumpra co seu compromiso de poñer os seus 500.000, tal e como se comprometera”. Suárez Barcia subliñou que “non podemos esperar a que iso se produza, temos que empezar xa porque un dos obxectivos máis importantes para este ano, segundo o convenio que temos firmado coa Deputación, é ter unha cantidade importante de cartos, preto dun millón de euros, xustificada neste 2014. Non podemos esperar á Xunta de Galicia e temos que iniciar a licitación das obras de maneira inmediata”.
O alcalde ribadense indicou que “fómoslles explicando a todos os portavoces os métodos de selección, os portavoces de todos os grupos estarán nas comisións técnicas de valoración e o pleno finalmente decidirá a oferta máis ventaxosa que poida facer esta residencia. Confiamos en que para a vindeira semana se poida convocar un pleno a este efecto para aprobar unha das máis ansiadas e máis queridas demandas e reivindicacións da veciñanza do noso concello”.
Fernando Suárez considera que “é previsible que unha vez aprobada en pleno a licitación desta obra e despois das correspondentes publicacións nos boletíns e de todo o trámite de presentación de proposicións e de estudio das mesmas, cando menos vai levar dous meses de tramitación, aventuramos que ben a finais da primavera ou a principios do verán poderían comezar as obras. Todo o tempo vai facer falta porque ao final deste ano hai que ter xustificada unha cantidade moi importante de diñeiro”.
Os feitos delituosos tiveron lugar o pasado día 20, cando a persoa investigada supostamente causou diversos danos a un vehículo estacionado no termo municipal de Meira. A súa propietaria ao observalo recriminoulle a acción, sendo agredida pola persoa investigada, á vez que a sometou a diversos insultos despectivos referentes ao seu lugar de orixe. As dilixencias policiais e a persoa investigada foron postas ao dispor da Autoridade Xudicial.
Contou coas actuacións de Cordenaia, Fol do Raxal, A Rebolaxe, Mistura, Coro se Cervo e Coral Terramar cun auditorio cheo na Casa da Cultura.
En total, a mostra reúne sete obras dos veciños e veciñas Carmen Rodríguez, Juan Pablo Docal, Nuria Ramos e Pilar Lorenzo, abarcando unha gran variedade de disciplinas, como a fotografía, a pintura ou o debuxo. Conta con entrada gratuíta e poderase visitar ata o próximo 8 de xaneiro en horario de 10:00 a 13:00 horas e de 16:00 a 19:00 horas.
Trátase de Mercedes Fernández. A alcaldesa, Dolores García Caramés, quixo felicitala en persoa e compartir uns intres con ela e a súa familia, e como mostra de agarimo entregoulle un ramo de flores.
Despois da misa que se celebrará na Vila do Medio, haberá un breve concerto de panxoliñas na propia igrexa do grupo de música e canto de Ledicia, que será outro xeito de celebrar o 50 aniversario como asociación e servirá de homenaxe ó coro, que foi unha das primeras actividades coas que se iniciaba o traballo hai medio século.
Recibiron un agasallo da man do mesmísimo Papá Noel!
As karatekas do Shitokai que asistiron ao evento foron: Celia, Bárbara, Sira e Noa; e o Director técnico, José Julián Martín Gómez.
