Santiago, 6 de febreiro de 2014.- O voceiro do Mar do Grupo Parlamentario Popular, Jose Manuel Balseiro quixo poñer en valor os preto de 110.000 euros que recibirán da Consellería do Medio Rural e do Mar as confrarías de pescadores da Mariña lucense para impulsar distintas iniciativas de xestión e conservación dos recursos mariños.
O parlamentario popular sinalou que estas son axudas que se corresponden coa anualidade 2013-2014 e que a Xunta outorga periodicamente ao obxecto de mellorar as condicións de vida e traballo dos profesionais do sector pesqueiro e marisqueiro.
Entre os beneficiarios están as seguintes confrarías:
| Solicitante | Proxecto | Total concedido |
| Confraría de Pescadores de Burela | Conservación | 14.520 |
| Confraría de Pescadores do Vicedo | Xestión | 22.800 |
| Confraría de Pescadores do Vicedo | Conservación | 14.520 |
| Confraría de Pescadores de San Ciprián | Conservación | 14.520 |
| Confraría de Pescadores de Ribadeo | Conservación | 29.040 |
| Confraría de Pescadores de Celeiro | Conservación | 14.520 |
|
| 109.920€ |
PARTICIPACIÓN DO SECTOR
Balseiro explicou que os apoios recibidos están en función dos proxectos redactados e que presenta cada confraría e, neste senso, sinala a importancia que o Goberno galego dá á colaboración e á participación dos distintos pósitos na xestión dos intereses pesqueiros e na configuración da estratexia a desenvolver en cada un destes ámbitos.
VIXILANCIA E ASISTENCIAS TÉCNICAS
“Con estas axudas o Goberno que preside Alberto Núñez Feijóo busca promover a posta en marcha medidas encamiñadas mellorar a xestión ou conservación dos recursos mariños”- indicou o portavoz do Mar dos populares galegos.
En concreto, os proxectos subvencionados van enfocados a dous grandes grupos: ao control de acceso aos recursos (vixilancia e loita contra o furtivismo) e a distintas asistencias técnicas (contratación de biólogos, acondicionamento e rexeneración dos bancos marisqueiros ou para potenciar a comercialización dos produtos pesqueiros).
Segundo o deputado os datos achegados “demostran a implicación da Consellería coas confrarías da provincia de Lugo” e, sobre todo, que desde a Xunta se está a realizar unha grande aposta por este sector que é vital para a nosa provincia, “xa que estamos a falar das confrarías de pescadores e mariscadoras, importantes motores económicos das localidades nas que se asenta”.