Venres 3 de xaneiro. A Fundación Impulso ao Deporte, Cultura e Turismo na Mariña reforza o apoio ao fútbol sala de base en 2014 asumindo a coordinación da actividade das Seleccións da Mariña de Fútbol Sala Base no presente ano. O combinado comarcal estará representado no Campionato de Seleccións Locais por catro categorías, benxamín, alevín, infantil e cadete, que se deberán medir a tres rivais na primeira fase.
Benxamíns, alevíns e infantís estrearanse o vindeiro martes, 7 de xaneiro, fronte ao combinado de Lambre (pavillón municipal de Miño). Vista Alegre acollerá o seguinte obstáculo, ante A Terra Chá, coa incorporación da categoría cadete; será o domingo 12. Como peche da primeira eliminatoria, os catro cadros da Mariña desprazaranse á capital provincial para enfrontarse a Lugo o domingo 19.
Os combinados mariñáns están dirixidos por técnicos de varias escolas deportivas da bisbarra: Francisco Vázquez e Emilio Rosanes, na categoría benxamín; Carlos Gonsalves e Michael Sante, en alevíns; Brenan Rivas e Mario Pillado, en infantís; e Cristian Gómez, Jacobo Díaz e Javier Rodríguez en cadetes. Despois da preparación do Nadal, os cadro benxamín realizará mañá pola tarde a última sesión (Vista Alegre, Burela); a alevíns, infantís e cadetes tocaralles o domingo pola mañá (Monte Castelo e Vista Alegre).
Martes 7 de xaneiro (Lambre–A Mariña, Pavillón Municipal de Miño)
17.00 horas: Categoría Infantil
18.00 horas: Categoría Alevín
19 horas: Categoría Benxamín
Domingo 12 de xaneiro (A Mariña–Terra Chá, Pavillón Vista Alegre-Burela)
16.00 horas: Categoría Benxamín
17.00 horas: Categoría Alevín
18.00 horas: Categoría Infantil
19.30 horas: Categoría Cadete
Domingo 19 de xaneiro (Lugo–A Mariña, Pavillón Municipal Lugo)
16.00 horas: Categoría Benxamín
17.00 horas: Categoría Alevín
18.00 horas: Categoría Infantil
19.30 horas: Categoría Cadete