A Deputación de Lugo condena o tráxico suceso acontecido en Cervo, no que dúas mulleres desta localidade da Mariña, de 72 e 45 anos, nai e filla respectivamente, resultaron falecidas.
En representación da Corporación Provincial e como veciña do municipio cervense, a Vicepresidenta Segunda, Lara Méndez, transmite ós familiares e amigos das vítimas “as máis sentidas condolencias”.
Lara Méndez amosa a súa “repulsa” a este violento suceso e agarda que a investigación aberta polas Forzas e Corpos da Seguridade do Estado “esclareza canto antes o acontecido”.