A Asociación Cultural A Pomba do Arco organiza para este xoves día 5, ás 20.30 na Casa da Cultura Manuela presentación do último libro do historiador e profesor Anselmo López Carreira titulado “Historia de Galicia”. Libro que foi editado por Xerais neste 2013 e que xa se atopa nestes momentos nos primeiros postos en vendas no apartado historia de Galicia das principais librarías.
Estamos a falar dun libro que se facía necesario para o coñecemento da historia e da cultura do noso país. En menos de 300 páxinas o profesor López Carreira aborda a historia de Galicia dende a cultura dos petróglifos ata o momento posterior á ditadura franquista, rematando co período da transición democrática. Pero non só se nos fala de historia senón que tamén se abordan outros temas culturais, así fálanos das cantigas, dos poetas e dos escritores que naceron culturalmente no noso país.
Anselmo López Carreira é doutor en historia pola Universidade de Santiago de Compostela exercendo a súa profesión como catedrático de Historia no IES María Soliño de Cangas do Morrazo, ademais de ser profesor titor na UNED de Ourense.
Da súa extensa produción literaria podemos destacar os seguintes títulos: A revolución Irmandiña (1987), Martiño de Dumio; a creación dun reino (1996), A cidade medieval galega (1999), O Reino de Galiza (1998) ou Os reis de Galicia (2003) entre outros libros, aparte ter participado como coautor de varias das Historias Xerais de Galicia.
Todas as súas obras foron un revulsivo para o coñecemento da historia de Galiza que estaba ata ese momento oculta por unha historiografía oficial que reducía ao mínimo o papel que ten xogado o noso país na historia do estado español.
O profesor Anselmo López Carreira é un home de fala tranquila, que ten impartido infinidade de conferencias en Galiza, no territorio español e mesmamente en varios países europeos. Nas presentacións dos seus libros destaca pola complicidade co auditorio ao que lles pregunta e reclama que lle pregunten converténdose as súas presentacións en clases maxistrais sobre a historia de Galiza.
Para a asociación A Pomba do Arco é unha honra poder contar con este investigador de fama e prestixio recoñecido tanto a nivel galego como a nivel europeo.
Por iso queren convidar a todos e a tódalas mariñáns a que acudan este xoves, día 5, á presentación do derradeiro libro do profesor Anselmo López Carreira, titulado Historia de Galicia, para poder disfrutar da súa conversa.
O autor asinará exemplares do seu libro aos asistentes á presentación.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
