A serpe multicolor da LNB segue a medrar e nesta xornada conseguimos un novo record da tempada en participación. En total, 66 participantes dos que 18 foron mulleres (un 27 %), déronse cita na Praza dos Fornos en loita polas afamadas navallas do artesán J. Rodil que con a boa organización dos compañeiros de A Pontenova e o patrocinio de Fisioterapia e deporte “Son Saude” se puxeron en liza como premio para os gañadores do “III Aberto deo Ferro”.
Para a clasificación individual a loita feroz pon de manifesto a igualdade de forzas entre os a priori considerados favoritos e a dificultade de gañar cada carreira. Charli logo de gañar na Ponte de Outeiro, fixose tamén ca navalla e a espiga de millo corvo de Campión en A Pontenova, unha clara demostración de que presenta candidatura para revalidar o título de campión da conferencia. Ainda estamos no primeiro tercio da tempada e Richar sigue ao mando, pero entre o primeiro e o posto 21 a diferencia,de puntos e so de oito polo que una boa ou mala xornada che fai subir ou baixar unha chea de postos.
En donas a loita é menos tensa, as veteranas Geni e Reyes comezan a marcar diferencias ainda que perseguidas de perto por Maricarmen e outras como Irea, Lola Eiras, Sofia, etc. que veñen increscendo. Se ben é certo que non o teñen doado, non o é menos que teñen moito marxe de mellora e gañas non lles falta.
Perante toda a tarde nos acompañou un vento que suavizaba os ferintes raios do sol aínda que ás veces empurraba ás billardas lonxe do obxetivo buscado, subliñadamente as máis lixeiras que voaban polo ar sen control e ficaban onde a elas lles petaba.
Unha boa nova: Os equipos van acostumándose a adiantar a lista de participante e polo tanto pódese comezar con bastante puntualidade o que é bo para todos e máis agora co cambio de hora que poñerá a proba o noso poder de organización e compromiso; aínda así semella que dúas pistas de xogo non son dabondo e haberá que ir pensando en montar outra máis para poder rematar as xornadas.
A falta dunha carreira eran sete os palanadores que tiñan posibilidades de pleno, chegaba pois o momento de xogalo todo a una soa carta e malia o empeño que todos eles puxeron, so catro o conseguiron. Primeiro caeu Artai (que foi o único capaz de conseguir un varado en toda a tarde) a mans de Martiño, a Markytos foi Regueiro (que tamén estaba invicto na xornada) quen o deixou as portas da final e Reyes acompañounos na caída a mans de Mario.
No desempate polos tres postos do podio, entre Juan (Billardeiros Musicais), Charly (Carabullo de Teixo) e Regueiro (Troitas Bravas), colouse unha dona, Geni (Billardeiros Musicais) que, nembargantes, non tivo nada que facer diante semellante trío de ases e quedou fóra.
Regueiro ficou terceiro e despois de un novo desempate entre Charly e Juan, foi o de Muimenta quen se coronou “navalleiro” na A Pontenova subindo ao caixón mais alto por segundo aberto consecutivo.
Cos parabéns de tódolos presentes,os gañadores foron agasallados cos premios correspondentes: figuriña de cerámica dun forno para 2º e 3º e navalla para o campión ademáis dunha espiga de millo corvo.
As tres primeiras donas tamén recibiron idénticos agasallos sendo por este orden: 1 ª Geni, 2ª Reyes e 3ª Lola (as tres de Ribadeo e veteranas palanadoras). En canto a equipos, os gañadores da xornada recibiron tamén a navalla dos campións e non foron outros que os Billardeiros Musicais, que siguen a por terra por medio cos seus perseguidores.
As clasificacións quedan así: Individual: Richar 25 p., Charli 24 p., Franco e Santi 23 p., Daniel, Muriego e Regueiro 22 p.
Por equipos: Billardeiros Musicais 101 p, Carabullo de Teixo 88 p., e Troitas Bravas, 82 p.
Varados: Charli, Luis Pirucha e Santi 2 varados, outros once palanadores con 1 varado.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
