Seis podios para os atletas das ED Lourenzá Mondoñedo na Figueras Solidaria

A sección de atletismo das Escolas Deportivas de Lourenzá – Mondoñedo participou este domingo na Carreira Figueras Solidario da Fundación Sandra Ybarra na loita contra o cancro.

Seis podios conseguiron os rapaces e rapazas das ED Lourenzá – Mondoñedo:

Iria Rodríguez rematou a proba na segunda posición da categoría pitufos feminino.

María Sánchez chegou terceira á liña de meta en benxamín feminino.

En alevín feminino, Ainara Rodríguez volveu subir ao alto do podio, mentres que Ana Vallines alcanzou a terceira posición. E na categoría masculina, Aleix Díaz sumou outra medalla de ouro para o equipo.

Finalmente, Aaron Rivas conseguiu tamén rematar a carreira de cadete masculino na primeira posición.

Por outra banda, na categoría sénior e nunha distancia de 7 kilómetros, Marcos Rodríguez e José Carlos Díaz lograron rematar entre os 60 mellores sobre un total de preto de 400 atletas inscritos, baixando ademais dos 30 minutos.