Cheo nos xardíns do Eido Dourado para escoitar ao cantautor guardés Tino Baz, que actuou alí a noite do pasado domingo. No seu concerto misturou pezas populares coa palabra de poetas coma Manuel María, Celso Emilio Ferreiro, Marica Campo ou Bernardino Graña. Baz empregou instrumentos de acompañamento coma a zanfona, a gaita e a guitarra. O do domingo foi o primeiro concerto que deu na Mariña Tino Baz. Celso Dourado amósase satisfeito coa acollida que está a ter entre o público a programación cultural que está a ofrecer durante este verán de 2013 no Eido Dourado.
