Finalmente non apareceu o dono do can que ten acollido desde hai semanas o Concello de Burela, segundo informan desde a Delegación de Medio Ambiente. Trátase dun collie adulto, macho, “que é moi cariñoso e xoguetón”. A Concellería de Medio Ambiente comunica que é posible a súa adopción. Os interesados poden contactar coa oficina de Medio Ambiente do Concello de Burela en horario de 8 a 15 horas no seguinte número de teléfono: 982 58 08 67.
