O Club de Remo Celeiro, presentou este sábado pola mañá, o adestrador que se fai cargo do Club dende o 1 de xuño. A xunta directiva contratou a Pablo Piñeiro Rey, nado en Celeiro en 1983 foi remeiro nas categorías inferiores do Club de Remo Celeiro, e actualmente formaba parte da tripulación sénior. Trátase dun remeiro experto no batel e traiñeiriña, que se fará cargo dun club que conta na actualidade con 30 remeiras e remeiros, e que ten como obxectivo na tempada 2014 consolidar a súa presenza no remo galego, competindo en tódalas categorías.
Pablo Piñeiro substitúe no seu posto, ao ferrolano Marcos Peña, que dirixiu ata o pasado 1 de xuño, e que fixo unha moi boa labor no Club de Remo Celeiro, dirixindo a volta do Club a competición oficial de bateis, nas categorías cadete e xuvenil, logo de máis de 10 anos no dique seco. Así mesmo, entre o seus logros conta co Campionato Galego de Remo adaptado Indoor, conseguido por Alex González, e co 3º posto da categoría xuvenil no galego de Remo Indoor. “O Club de Remo Celeiro, agradece o seu traballo a fronte do Club e deséxalle sorte na súa vindeira etapa”
Álex González, bronce en Montemor-o-velho
Álex González, continúa a súa preparación en banco móbil adaptado. O pasado 25 de maio, conseguiu o Bronce nunha regata internacional disputada nas augas de Montemor-o-velho(Portugal), e participará o vindeiro 16 de xuño en Castrelo de Miño, no Campionato Galego de Remo en Banco Móbil na categoría adaptado.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
