Co desexo de agasallar a tódolos seus clientes e amigos, a Pastelería – Cafetería Anduriña celebrará entre os días 14 e 16 de xuño, a súa “I Festa da Empanada”, que consistirá en pinchos de empanada de corenta tipos diferentes: de ortigas con gambas, carne de tenreira ó cabrales, touciño entrefebrado con queixo e chourizo, polo con patacas fritidas, polo con cogomelos, polbo con gambas, etc., e tamén se farán descontos do 10% a tódolos clientes que neses días merquen empanadas tanto por pezas enteiras como por racións. O venres 14 tamén se inaugurará unha exposición fotográfica que levará por título “Riquezas paisaxísticas da Mariña de Lugo” de Xesús do Breogán, que con carácte didáctico, mostra tódolos lugares emblemáticos da costa de Lugo: o Salto do Coro e a Fervenza de Mondoñedo, Santo Estevo do Ermo en Barreiros, praia das Catedrais en Ribadeo, O Pozo de Ferida en Xove, os eucaliptos de Chavín en Viveiro, Paseo dos Namorados en Sargadelos, etc. A exposición, que conta cun total de 48 fotos, irá acompañada doutras oito fotos dos monumentos máis emblemáticos da Mariña.
I Festa da Empanada e exposición fotográfica na cafetería Anduriña
