José Manuel Balseiro busca acadar un acordo para blindar a sandiade pública das comarcas lucenses fronte as dúbidas infundadas que veñen pregoando desde a oposición coas súas críticas á xestión integrada das tres áreas sanitarias lucenses.
A iniciativa tamén pide que a Xunta garanta o mantemento das tres áreas sanitarias lucenses e que impulse a ampliación do Hospital da Costa e a mellora das prestacións sanitarias para os pacientes de Monforte.
Santiago, 16 de abril de 2013.- O Grupo Popular proporá na xuntanza prevista para mañá mércores día 17 da Comisión de Sanidade do Parlamento de Galicia un acordo para garantir os servizos, consultas e unidades actualmente existentes nos hospitais de Monforte e Burela e no que incluso se lle demanda á Xunta que desenvolva cantas xestións estime oportunas para incrementalos e potenciar a calidade asistencial destes centros.
A través de dúas iniciativas, unha proposición non de lei da que é autor Jose Manuel Balseiro e unha emenda a unha iniciativa do BNG, os populares buscan acadar un acordo parlamentario con capacidade para blindar a sanidade pública das comarcas do Sur e Norte lucense fronte as dúbidas infundadas que veñen pregoando as forzas da oposición con ocasión da aprobación do novo Decreto de xestión integrada.
Na proposta do Grupo Popular tamén se pide que a Xunta garanta o mantemento das tres áreas sanitarias lucenses –isto é, a da Mariña, a da comarca de Lemos e a do Centro- e, polo tanto, que non modifique o actual mapa sanitario. Así como tamén un punto final no que se lle insta ao Goberno a impulsar a ampliación do Hospital da Costa e a mellora das prestacións sanitarias para os pacientes de Monforte.
GARANTIR SERVIZOS E MELLORAR AS INSTALACIÓNS
José Manuel Balseiro espera contar co apoio do conxunto das forzas política parlamentarias dado que sería imposible entender que algunha delas puidera desmarcarse dunha iniciativa destinada a garantir os servizos e mellorar as instalacións dos hospitais da Costa e de Monforte. “Teremos oportunidade de ver quen defende a sanidade pública e quen tan so busca aproveitar un tema tan serio como é a saúde para facer electoralismo”
SEN DESPRAZAMENTOS
O parlamentario popular insiste en negar con rotundidade os argumentos empregados como crítica ao novo modelo de xestión integrada lembrando que os hospitais lucenses das comarcas da Mariña e Monforte seguirán cos mesmos servizos e competencias –co obxectivo do SERGAS de incluso amplialos-, continuarán atendendo a todos os doentes como ata o de agora e non será preciso realizar desprazamentos a Lugo capital para recibir a asistencia sanitaria que na actualidade xa se vén prestando nestes centros.
UN XERENTE EXECUTIVO
Balseiro tamén insistiu que a xestión integrada é unha fórmula de coordinación das tres areas lucenses pero non resta funcións nin traballo aos hospitais comarcais, que seguirán dispoñendo dun xerente executivo con máis competencias e máis.capacidade de decisión (agora tamén sobre os centros de saúde).
Continuando cos actos conmemorativos, o vindeiro domingo 1 de decembro ás 7 da tarde ofrecerase unha misa na honra das persoas socias, colaboradoras e familiares que finaron ao longo destes anos. Ademais o 27 de decembro terá lugar un concerto de panxoliñas na igrexa de Vila do Medio.
Nesta ocasión, a data elixida para desenvolver a actividade é o sábado 7 de decembro, ás 12:00 horas, na Casa do Concello; e ás 17:00 horas, na Casa da Cultura. Os Beléns de plastilina permanecerán expostos ao público durante todo o Nadal.
No acto ligado a esta formación, que rematou hoxe e deu comezo o pasado 11 de novembro, estiveron o presidente da Apehl, Cheché Real; o director do Instituto Galego do Viño (Ingavi), centro responsable da formación, Xoán Cannas, e a alcaldesa de Vilalba, Marta Rouco.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celebráronse no CFEA Pedro Murias. O programa incluiu tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
