Unha subvención que está dirixida a colaborar cos gastos derivados de actividades educativas, recreativas, culturais ou doutro tipo, sempre que redunden en beneficio da comunidade escolar, aínda que tamén se poden subvencionar gastos xerais de funcionamento, conservación, mantemento e reparacións menores que non sexa investimentos.
Esta liña de axudas é unha das varias que ten activas o Concello para os distintos colectivos implicados na educación dos cervenses. Con esta subvención ás ANPAS en concreto “o noso obxectivo é contribuír coas entidades educativas, dinamizando o ensino e fomentando a súa actividade”. Armada explica que ademais “temos concedido axudas ao transporte e a libros e material escolar “de forma que tamén apoiamos ás familias que o precisan para afrontar con máis facilidade os gastos educativos”.
A edil engade que “a educación é un piar estratéxico da nosa sociedade e polo tanto, unha prioridade para este Concello”. Por iso, “imos seguir apostando por ela, axudando e contribuíndo con fondos municipais” remata Armada.