Santiago Pérez, director do IES Perdouro, recibiu a visita da directora da BBZ – Centro de Formación Profesional (Berufsbildungszentrum Augsburg der Lehmbaugruppe gGmbH)-, Maria Klingelstein, este martes, día 12 de marzo, no marco do Proxecto IdA Explorer! que se está a desenvolver todo este mes cun grupo de mozas e mozos alemáns en Burela. Nesta visita ás instalacións do centro educativo, María Klingelstein tivo a oportunidade de coñecer persoalmente ao equipo directivo e informarse sobre o sistema educativo español. Valorou moi positivamente o funcionamento do proxecto en Burela. Aproveitará para visitar algunhas das empresas colaboradoras nestes días.
