A Deputada de Deseño e Artesanía presentou este martes as actividades que o CENTRAD ten programadas para os máis novos durante esta Semana Santa. Trátase dunha nova edición dos Obradoiros Infantís de Artesanía, que se celebrarán os días 25, 26 e 27 de marzo, e que continúan a perseguir o obxectivo de “dar a coñecer o noso patrimonio cultural a todos os lucenses. No caso dos máis novos, o mellor xeito de facelo e ofrecéndolles actividades que os divirtan. Do mesmo xeito, con estas actividades botámoslle unha man ás familias para conciliar a vida familiar e laboral”, tal e como subliñou Polín.
Nesta ocasión, cada un dos tres días nos que se desenvolverán estes Obradoiros estará centrado nunha actividade diferente: o deseño estará presente coa creación de contos e a artesanía coa elaboración de instrumentos musicais e o torneado de madeira. Trátase de 3 obradoiros con 15 prazas dispoñibles cada un deles e totalmente gratuítos, dirixidos a rapaces de entre 5 a 15 anos, que se desenvolverán nas instalacións do CENTRAD, na travesía da rúa Chantada da capital luguesa, os días 25, 26 e 27 de marzo. Cada un deles está pensado segundo as idades e capacidades dos rapaces participantes:
– Obradoiro “Contando un conto con imaxes”. Este curso está pensado para nenos de 5 a 8 anos, e nel poderán debuxar un álbum ilustrado, en formato libro, contando as historias que imaxinen, empregando xornais, revistas, e materiais de debuxo. Ó mesmo tempo descubrirán a orixe do papel a través da súa fabricación e a importancia do reciclaxe.
– Obradoiro “Caixa de música-Zanfona”. Neste caso, rapaces de 9 a 11 anos aprenderán a fabricar un instrumento musical con madeira, que posteriormente decorarán segundo os seus gustos. O derradeiro día e a xeito de peche da entrega de diplomas, os nenos ofrecerán un pequeno “concerto”.
– Obradoiro “Traballando a madeira”. Os rapaces de 11 a 15 anos, achegaranse ó oficio tradicional da madeira descubrindo as diferentes ferramentas e maquinarias que compoñen un obradoiro de madeira.
Coma novidade deste ano, o día 27 a partires das 12:00 horas, todos os nenos que asistiron ós cursos participarán nunha charla obradoiro na que a monitora -Noemí López, que actualmente expón as súas obras na sala do Pavillón 4 do CENTRAD-, empregará os mecanismos axeitados para á animación á lectura dende a linguaxe da ilustración de libros infantís e xuvenís.
45 prazas totalmente gratuítas
Cada un destes 3 cursos conta con 15 prazas. O 15% das prazas dispoñibles están reservadas a nenos con necesidades especiais. En canto ó horario, os obradoiros darán comezo ás 9:00 horas e se prolongarán ata as 14:00 horas. No caso dos rapaces con necesidades especiais, Polín quixo lembrar que, coma sempre, haberá flexibilidade en canto a idades de admisión e horarios, para que todos poidan aproveitar ó máximo a experiencia.
As inscricións para estes obradoiros gratuítos pode facerse dende mañá ata o vindeiro día 20 de marzo no Rexistro Xeral da Deputación. As familias interesadas poderán atopar máis información, así como o modelo de solicitude de inscrición na páxina web www.deputacionlugo.org, chamando ó 982 21-00-66 ou ben directamente no Rexistro da entidade, onde deberán presentar dita solicitude cuberta xunto cun xustificante de que os cónxuxes están a traballar. As inscricións faránse por rigorosa orde de inscrición, aínda que terán preferencia aqueles rapaces cuxos proxenitores traballen e aqueles que quedaran fóra da convocatoria de Nadal.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
