O mercado de primavera de O Valadouro chega á sétima edición

O sábado 23 de marzo vai a ter lugar VII edición do mercado de primavera de O valadouro. Esta actividade vaise desenrolar no centro histórico de Ferreira no exterior desde as 10:00 da mañá ata ben entrada a tardiña. Contaremos con numerosos postos de que veñen de toda Galicia, pero principalmente de Valadouro. A media mañá, estará a asociación cultural Amado Lar que vai a animar a xornada cunha exhibición de baile rexional co grupo de infantís para dar inicio á primeira fase da ruta de tapeo de O Valadouro.

Xa pola tarde, contaremos con inchables, xogos para os nenos, paseo en poni, práctica de pesca… e todo isto de balde para quen se achegue á praza de Santa María e á finca anexa á piscina municipal de O valadouro. Nesta última, contaremos cunha exhibición de baile entre un cabalo e unha bailarina a partir das 17:00h.

A partir das 18:30h comezarán as primeiras olimpiadas rurais de O Valadouro. Participarán equipos de catro persoas (2 homes e 2 mulleres) que se incribirán previamente na praza… Ó longo e ancho do casco de Ferreira van a realizar diversas probas como o mítico lanzamento de aixadas, lanzamento de pacas, carreiras de carretillas con obstáculos, tiro á corda,… e todo elo ataviados con roupa tradicional e, sobre todo e moi importante, con zocas. Como premio, o equipo gañador obterá unha cea para 8 persoas nun coñecido restaurante da vila.

A partir das 20:00 comezará a segunda parte da ruta de tapas de O valadouro que estará amenizada por catro grupos de cantos de taberna (dous de burela, un de Foz e outro de Mondoñedo) e animará a vida nocturna do val ata altas horas. As tapas do Valadouro son especiais e distintas ás de calquera día do ano e teñen vantaxe con respecto a outras rutas da comarca de que son de balde por cada consumición.

Animar á xuventude a seguir co costume de seguir colaborando co evento vestíndose e dando a coñecer un calzado de antaño como son as zocas e ó mesmo tempo agradecer o interés e a colaboración que ten o acto dándolle promoción e colorido.