A entidade laranxa abrirá a venda anticipada esta tarde para o próximo Día do Club, o sábado 16 de marzo, na visita á bomboneira de ElPozo Murcia, ás 18.30 horas. A afección poderá adquirir as entradas na nova sede burelista (avenida Arcadio Pardiñas, número 91, baixo) ata o venres 15 entre as 10.00-14.00 e as 16.00-19.00 horas.
Os NON SOCIOS tamén poderán adquirir entradas de adulto en Foz (Living Sport), Viveiro (Pizzbur e Dékada) e Ribadeo (Pizzbur) a partir de mañá, mércores.
Para realizar un control exhaustivo da afluencia ao encontro todos os afeccionados deberán acceder ao recinto de Vista Alegre con entrada. A directiva do CD Burela FS decidiu establecer un prezo simbólico para os menores de 14 anos, 1 euro.
Sorteo dunha bicicleta. A entidade laranxa promoverá a práctica deportiva a través do sorteo dunha bicicleta MMR (valorada en 800 euros), doada pola firma Cerezo Bikes, durante o descanso do partido ante ElPozo. As rifas estarán á venda ata o sábado, por tan só 2 euros a papeleta.
PREZOS PARA SOCIOS
Socios adultos: 3 euros
Socios xuvenís (14-18 anos): Gratuíto
PREZOS PARA NON SOCIOS
NON socios adultos: 12 euros
NON socios xuvenís (14-18): 3 euros
Menores de 14 anos: 1 euro