O departamento de Cultura do Concello do Valadouro está a traballar nun evento complementario ao Mercado de Primavera: Unha exposición de fotografía antiga para o que necesitamos da colaboración de todos os veciños e veciñas ou calquera persoa que poida ter na casa instantáneas de Ferreira ou do Valadouro. Búscanse fotos que destaquen estampas do Val ata os anos 80 -como máis recentes-, que amosen edificios, festas, celebracións relixiosas, tarefas do campo, retratos de familia, etc. Na Casa da Cultura realizarase unha selección das fotografías que se axeiten ó perfil do evento para escanealas, tralo que o seu propietario ou autor deberá asinar unha autorización de uso. Posteriormente, as persoas que acheguen as fotografías poderán levalas de novo ás súas casas. A exposición está previsto inaugurala o día do Mercado na Casa da Cultura e poderase visitar durante un mes.
Fotografías do Val
Relacionado
-
O persoal facultativo do Hospital Público da Mariña concentrouse de novo este luns
-
A conselleira do Medio Rural, María José Gómez, acompañada pola xerente de Fundación Artesanía de Galicia, Elena Fabeiro, asistiu este domingo á XV Feira da Artesanía do Ferro de Riotorto
-
Alfonso Villares en San Cibrao
En total puxeron á venda 300 kgs de mexillóns na carpa instalada para a celebración deste evento gastronómico, que tivo por obxectivo poñer en valor un produto do mar como é o mexillón. A xornada contou con amenización musical. Ata Rinlo se achegaron o alcalde, Dani Vega, as concelleiras de Turismo, Cultura e Benestar Social, Marta Saiz, Begoña Sanjurjo e Elena Sierra, e o conselleiro do Mar, Alfonso Villares.
Tras o partido que se decidiu na tanda de penaltis a favor do equipo da Mariña, o responsable provincial valorou "o encontro como unha mostra do gran nivel do fútbol sala feminino na provincia con dous equipos que ofreceron unha gran espectáculo deportivo" e destacou "o bo ambiente no pavillón coas afeccións apoiando en todo momento ás súas xogadoras".
Chámase Jilgueritos e xa se integrou na Asociación de Comerciantes, Industriais, Servizos e Autónomos (ACISA) de Ribadeo.
Está fixada para as 20:00 horas en primeira convocatoria e media hora despois en segunda. A orde do día inclúe estes asuntos a tratar: lectura e aprobación, se procede, da acta da asemblea anterior; estado de contas da asociación; informe de actividades desenvolvidas; informe do director da Banda; e preguntas e suxestións.
