A Galipedia, a versión galega da Wikipedia, cumpriu 10 anos o 8 de marzo. E, para celebrar esta historia de éxito do colectivo, Ribadeo acollerá o 15 de marzo ás 20:00 horas na Casa da Xuventude unha actividade que constará dunha parte expositiva de presentación da Galipedia e unha parte práctica (obradoiro de introdución ó seu manexo). Cada un dos apartados terá unha duración aproximada dunha hora, e será levada por Antonio Gregorio, que tamén participou no encontro central de Santiago celebrado o 9 de marzo.