DESENVOLVEMENTO LOCAL E MOCIDADE POÑEN EN MARCHA O PROGRAMA RIBADEO EMPRENDE PARA PROPICIAR A CULTURA EMPRENDEDORA NA MOCIDADE. AS ACTIVIDADES DO PRIMEIRO TRIMESTRE DESTE 2013 XA ESTÁN LISTAS.
Ribadeo, 6 de febreiro de 2013. As Concellarías de Desenvolvemento Local e Mocidade poñen en marcha o programa Ribadeo Emprende co obxectivo “de propociar a cultura emprendedora na mocidade”. As primeiras actividades desenvolveránse o día 22 de febreiro.
A edil de Desenvolvemento Local e Turismo, Ana Martínez, dixo que “hoxe en día máis que nunca precisamos de xente que mobilice, colabore, aproveite recursos, reinvente unha nova realidade, que innove, cree novas fontes de traballo e para isto o Concello quere promover un clima capaz de crear as mellores condicións na mocidade para que se anime a emprender e o fagan o mellor posible e teñan unha maior garantía de éxito”.
A concelleira nacionalista indicou que “para emprender temos que contar coas mellores condicións, habilidades, coñecementos, temos que ser capaces de aproveitar recursos e potenciar o networking, impulsar a innovación e a creatividade. Por elo dentro de Ribadeo Emprende traballaremos: a creatividade e a innovación, a confianza e a motivación, a aprendizaxe a través da colaboración e a creación de alianzas, a formación e o coñecemento, todas elas características para propiciar un emprendemento con éxito. Tentaremos axudar á nosa mocidade a dar os recursos para reinvertar o noso arredor”.
Primeiro trimestre
Pecha Kucha. Este é un formato de presentación rápida, que se levará a cabo o 22 de febreiro na Casa da Xuventude, e no que se no que se presentarán iniciativas emprendedoras que aúnan creatividade e desenvolvemento do territorio. Van participar experiencias empresariais , a meirande parte de Ribadeo, coma: Tenda – Bar A Modiño, El Farero Audiovisual, Pizzería-Raxería Pizzbur, Hola Ola, Chocolates Moreno e Forestales Monra. Ana Martínez subliñou que “queremos desenvolver esta experiencia porque se conxugan 3 ingredientes importantes para propiciar o proceso de emprendemento: formación, encontro e motivación. Formación porque aprenderemos da experiencia dos emprendedor@s de Ribadeo que presentarán os seus casos, Encontro porque é unha reunión na que se abrirán as portas ao coñecemento mutuo entre as persoas e a crear posibles redes de traballo, e Motivación colectiva, que tanto precisamos e que a través de condensar nunha horas varias experiencias positivas, gañamos confianza en que podemos facelo”.
A seguinte actividade do primeiro trimestre deste 2013 será un debate aberto: Emprendemento Asumible, o 22 de marzo na Casa da Xuventude. A edil de Desenvolvemento Local dixo que “traeremos outras experiencias emprendedoras que nos axudarán a abordar directamente a cuestión do emprendemento e do autoemprego na mocidade e que se poida falar das partes boas e malas do termos; das dificultades que existen, pero tamén da motivación e do empoderamento cidadán que pode provocar unha corrente emprendodra, nao que a través das experiencias doutr@s emprendedores, aprenderemos sobre a actitude, a creatividade e a innovación, entre outras cousas”.
E para o 22 de abril está previsto un Obradoiro de innovación social. “Tentaremos neste caso sembrar motivación e alternativas para o futuro inmediato da mocidade, a través da descuberta activa de experiencias actuáis en todo o mundo aorredor da emancipación social, cultural e económicas dos mozos/as”.
Unha aposta polo talento e a innovación
Pola súa banda o concelleiro de Mocidade manifestou que “desde a área de Mocidade nós participamos neste Ribadeo Emprende convencidos de que lonxe do que se está a facer hoxe en día, que é unha aposta pola austeridade e polos recortes como única receita fronte á crise, o que é conveniente é apostar polo talento, pola innovación e pola formación das persoas. Eu creo que só a partir deses tres eixes poderemos empezar a construír unha economía nova e diferente. Nese sentido nós estamos convencidos de que este programa, Ribadeo Emprende, vai ser positivo, pode aportar cousas á mocidade de Ribadeo, pero tamén somos conscientes dos condicionamentos que ten calquera tipo de desenvolvemento local e de creación de emprego no ámbito local”. Xavier Campos considera que “sería ilusorio pensar que unicamente desde o Concello é posible resolver os problemas de desemprego ou a situación económica xeral. É evidente que son moito máis amplos e que non está nas nosas mans resolver unha situación que a nivel xeral se está evidenciando como terrible e dramática en moitos casos. Os datos económicos, a recesión e o crecemento do desemprego están aí e nós pensamos que teñen causa nas políticas que emanan desde Bruxelas e que están sendo impostas e desenvolvidas, tanto en España como en Galicia, polo Partido Popular”.
O edil de Mocidade subliñou que “nós somos ambiciosos, porque pensamos que hai cousas que se poden facer e este Ribadeo Emprende é unha das cousas que pensamos que hai que facer nese camiño, pero tamén somos conscientes das nosas limitacións e polo tanto non queremos tampouco crear unhas expectativas que non sexan realistas. Pensamos que son actividades que van ser positivas porque van axudar a potenciar ou animar a desenvolver as capacidades da xente nova e non tan nova tamén, nalgúns casos, de Ribadeo”.
Ana Martínez e Xavier Campos amosaron “a nosa mutua alegría por desenvolver un programa conxunto orientado neste caso ao ámbito do emprego. Vai ser unha das primeiras colaboracións, pero haberá máis entre as dúas áreas, de Desenvolvemento Local e Mocidade, porque estamos convencidos de que esta é a maneira na que temos que traballar desde o Concello de Ribadeo”.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
