O adestrador do Burela FS, Julio Delgado, será o convidado especial do programa radiofónico Proxecto Neo, realizado polos institutos Perdouro e Monte Castelo de Burela e emitido todos os mércores entre as 5 e as 6 da tarde pola emisora local Radio Burela. Julio Delgado, que será entrevistado por alumnos de Ensino Secundario, será preguntado por cuestións referentes á súa infancia e mocidade en Salamanca, aos seus estudos da Licenciatura de Dereito e, finalmente, falará tamén de deporte. Ademais, abordará as posibilidades formativas da escola deportiva do clube. O conxunto dos programas de Proxecto Neo permanece dispoñible nun servizo á carta ao que se accede desde o blog www.proxectoneo.blogspot.com