A Plataforma na Defensa da Sanidade Pública da Mariña organiza charlas informativas nas principais vilas da comarca
Sospeitan que a Consellaría de Sanidade xa está dando pasos para implantar en Lugo o modelo de Xestión integrada que acabará coa autonomía de xestión a Area Sanitaria da Mariña e terá efectos moi negativos para a calidade asistencial na comarca.
A Mariña, 5 de febreiro de 2013. A Plataforma na Defensa da Sanidade Pública da Mariña prepara charlas informativas nas vilas mais poboadas da comarca para informar das intencións da Consellaría de Sanidade de implantar na provincia de Lugo o modelo de Xestión Integrada que xa funciona noutras provincias galegas e que foi paralizado en Lugo pola contestación social da Mariña e Monforte que non queren perder a calidade asistencial.
Recortes brutais no orzamento do SERGAS PARA 2013.
Para a Plataforma os recortes brutais no orzamento do SERGAS para 2013 non agoira boas noticias xa que tanto en sanidade primaria con 12,7 millóns de euros de recorte en relación a 2012 para a provincia e 2,25 no Hospital da Costa poñen en cuestión o mantemento da calidade asistencial en PACs e Centros de Saúde así como no Hospital da Costa que reduce considerabelmente a partida para persoal. E botan un xarro de auga fría sobre aqueles que creron nas promesas de Núñez Feijoo sobre a ampliación deste centro hospitalario.
O Hospital da Costa está colapsado por falta de espazo
A Plataforma denuncia que hai áreas do centro hospitalario mariñao que rexistran cotas de saturación mais propias do terceiro mundo e poñen o exemplo da área de urxencias onde os pacientes están repartidos por pasillos e salas de agarda nunha situación impropia dun país avanzado. Dende a Plataforma poñen por diante o bo traballo dos e das profesionais que fan o que poden e responsabilizan aos xerentes do SERGAS da ausencia de compromiso material para ampliar o centro hospitalario.
O xoves 7 ás 20:00 na Sal Multiusos do Concello de Viveiro primeiro acto informativo
A Plataforma iniciará este xoves, 7 de febreiro na localidade de Viveiro unha serie de actos informativos, o acto terá lugar na Sal Multiusos do Concello de Viveiro ás 20:00hrs. e contará coa presenza de representantes da Plataforma que informarán dos efectos do modelo de xestión integrada, recortes orzamentarios para 2013 e do perigo dunha privatización sanitaria aínda mais acentuada como xa estamos vendo en comunidades como a Madrileña.
No acto ligado a esta formación, que rematou hoxe e deu comezo o pasado 11 de novembro, estiveron o presidente da Apehl, Cheché Real; o director do Instituto Galego do Viño (Ingavi), centro responsable da formación, Xoán Cannas, e a alcaldesa de Vilalba, Marta Rouco.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celebráronse no CFEA Pedro Murias. O programa incluiu tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
