VIVEIRO FSF 5 – DONAPEL MONTERROSO 0
Viveiro.: Diandra, Rocio, Nerea, Xiana María Balsa; tamén xogaron.: Andrea, Conchi, Raquel, Patricia,Goretti.
Donapel.: Carla, Ainhoa, Elisa, Akira e Noelia. Tamén xogaron.: Verónica e Laura.
Arbitro.:Rivas Fouz, Benjamin
Gran partido o disputado o sábado polo Viveiro no Antonio Tarrío ante un Donapel Monterroso que encaixou a súa segunda maior goleada no que vai de liga, tras o 9-1 que lle endosou a Friol.
O partido comezou con unha presión a toda pista por parte das xogadoras locais que lles permitía recuperar con facilidade o balón, ante un Donapel que víase desbordado unha e outra vez por o xogo combinativo do Viveiro, que nos primeiros cinco minutos de partido xa gañaba por 2-0 e dispuña de moitas ocasións para marcar.
A primeira parte foi completamente dominada polo conxunto local ante un Donaple incapaz de plantarlle cara a un Viveiro dominador e que controlaba todas as facetas do xogo.
Mediada a primeira parte o Viveiro poñía o 3-0 no marcador e as monterrosinas apenas inquedaban a meta defendida por Diandra.
Na segunda parte a relaxación das xogadoras viveirenses fixo que o Monterroso adiantara as liñas e creara algún perigo, pero de novo as xogadoras locais voltaron a tomar o mando e dous goles de María Balsa puñan o definitivo 5-0 no marcador.
VIVEIRO FSF 8 – SPORTING RABADENSE 0
VIVEIRO FSF.: Diandra, Nerea, Xiana, Rocio, María Balsa. Tamén xogaron.: Andrea, Raquel, Patricia, Conchi, Goretti, Ana e Brenda
SPORTING RABADENSE.: Carmen, Saray, Ana, Sandra, Melody. Tamén xogou María
Goles.: Nerea 2; Raquel 2; Xiana; Rocio; Goretti; María Balsa.
Partido sen moita historia o disputado na mañá do domingo no Antonio Tarrío, onde as xogadoras locais saíron ao campo sen a intensidade amosada o día anterior diante do Monterroso, o que provocou que os primeiros minutos do encontro estivesen cheos de imprecisións, xa que si ben o control do partido era total por parte do Viveiro, a falla de finalización e os erros no pase, provocaron que o Rábade tivese algunha opción na contra.
Co paso dos minutos a calidade local foise impoñendo e asfixiando a un Sporting Rabadense que non era capaz de saír da presión local, o que fixo que se chegase ao descanso cun 3-0 no marcador, que puido ser aínda mais amplo se os paus e a boa actuación da portería visitante non o houberan evitado.
Tras o paso polo vestiarios, a actitude das xogadoras locais mellorou o que fixo que o partido se convertese nun monólogo onde as ocasións e os goles ían caendo do bando local.
Destacar o debut de Brenda na portería viveirense e os primeiros minutos da xogadora cadete Ana Travieso con primeiro equipo, nos que deu mostras da súa calidade, deixando ver que è unha xogadora con proxección e que a medio prazo será unha xogadora importante dentro dos esquemas do equipo.