Rematou o Campañazo de novembro, que organizou a Asociación de Comerciantes, Industriais e Autónomos de Foz. O premio de 300 euros, que se puxo en xogo o pasado 30, foi compartido. Os afortunados foron Manín e Esther, que levaron 150 euros cada un. Responsables de ACIA Foz fixéronlles entrega dos premios na cafetería Xoyma, que foi o lugar desde o que seguiron o sorteo. Os cartóns cos que participaron fóronlles entregados en Viajes Rodríguez e en Alba Vila. ACIA Foz repartiu durante novembro 1.500 euros en vales de compra.
