A DEPUTACIÓN FINANCIA O REMATE DAS INSTALACIÓNS DA PISTA DE ANDADURA ECUESTRE DO VALADOURO
Onte asinouse un convenio por valor de 60.000 euros co que se pechará a pista e se farán as instalacións auxiliares
Esta infraestrutura permite á asociación APREVAL organizar eventos ecuestres de ampla repercusión
Lugo, 22 de decembro de 2012. O vicepresidente da Deputación de Lugo e responsábel da Área de Benestar Social e Deporte, Antonio Veiga, asinou onte un convenio de colaboración co Concello do Valadouro mediante o cal a Deputación aportará 60.000 euros á entidade local para o remate das obras da pista ecuestre do Valadouro, unha infraestrutura pioneira en Galiza e que permite á asociación APREVAL (Asociación de Promoción e Recuperación Ecuestre Val do Ouro) desenvolver competicións e eventos ecuestres de repercusión nacional.
Grazas a este convenio, as pistas de andadura ubicadas ao lado do campo de fútbol do Valadouro contarán co seu valado perimetral, unha zona de lavado para cabalos e xinetes e instalacións auxiliares, facendo o conxunto da infraestrutura accesíbel, segura e cómoda para todas as persoas que acudan a eventos hípicos.
Apreval converteu, nos últimos anos, a actividade ecuestre nun dos principais atractivos turísticos do Valadouro, dado que organiza o programa “Equiouro”, que inclúe carreiras de cabalos de andadura. Estas actividades ecuestres supoñen alternativas de ocio de grande interese, coas que ademais do seu valor deportivo e de espectáculo tamén se dinamiza a economía e o turismo da localidade. Por iso, desde a Área de Benestar Social e Deporte da Deputación apóiase con este investimento esta infraestrutura porque o Valadouro merece unha pista de andadura ecuestre, pois ten máis que demostrada a súa afección aos cabalos e o seu proveito en beneficio do conxunto do pobo.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
