EMMA ÁLVAREZ FIXO UN BALANCE MOI POSITIVO DO ENCONTRO MANTIDO ESTA MAÑÁ CO PRESIDENTE DA XUNTA. NÚÑEZ FEIJOO COMPROMETÉUSE A REALIZAR AS XESTIÓNS OPORTUNAS PARA MELLORAR A ACCESIBILIDADE NO CEIP JUAN REY. GOBERNO GALEGO, DIÓCESE DE MONDOÑEDO E CONCELLO DE LOURENZÁ TRABALLARÁN XUNTOS PARA EVITAR QUE SE PRODUZAN MÁIS DERRUBES NA FACHADA DA IGREXA DO MOSTEIRO DE SAN SALVADOR.
Lourenzá, 7 de decembro de 2012. A alcaldesa de Lourenzá, Emma Álvarez Chao, fixo un balance moi positivo do encontro que mantivo en Santiago de Compostela co presidente da Xunta, Alberto Núñez Feijoo.
Álvarez declarou: “non podo máis que facer un balance positivo. Na xuntanza falamos de distintos temas e comprometeuse con Lourenzá e cos laurentinos para tratar de buscarlles solucións”.
A alcaldesa explicou que “un dos asuntos que analizamos foi o estado da fachada da igrexa do Mosteiro de San Salvador. O pasado 7 de abril caía un capitel de dita fachada e hai un informe de Patrimonio que di que outro capitel corre un pequeno risco de derrube. A día de hoxe esa zona está balada para evitar que poidan producirse danos. E o presidente comprometeuse xunto coa Diocese de Mondoñedo e co Concello de Lourenzá para de xeito inmediato tentar de solucionar este problema”.
Emma Álvarez indicou que “tamén falamos dun proxecto que leva anos sendo interesante para Lourenzá, que é poder converter o Campo dos Bolos nunha praza pública. E analizamos a posibilidade de seguir abondando na comercialización da faba ou da creación dalgunha cooperativa, de tratar de buscar xeitos para comercializar a faba, que é o noso produto estrela”.
Para a alcaldesa de Lourenzá un dos asuntos máis importantes abordados no encontro mantido hoxe co presidente da Xunta foi a accesibilidade ao CEIP Juan Rey. “Este centro foi construído a finais da década dos 70, precisa dun plan integral de remodelación e carece de calquera tipo de rampla que permita o acceso sen dificultades aos alumnos que acoden ao centro en cadeira de rodas. O presidente comprometeuse a facer de xeito inmediato as xestións oportunas para poder dotalo dunha rampla que mellore a súa accesibilidade”.
Emma Álvarez agradeceulle ao presidente da Xunta “a prontitude coa que me recibiu e o tempo que me dedicou para expoñerlle todos os asuntos que lles preocupan aos laurentinos e laurentinas”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
