Inicio do curso no IES Perdouro de Burela.
Co motivo do inicio do novo curso escolar 2012-2013, comunicámoslle que toda a información relativa ás probas extraordinarias de setembro, á matrícula en ESO, Bacharelato, Ciclos Formativos e PCPI está diariamente actualizada na páxina web do IES Perdouro así como na Rede Social Twitter.
Pódese consultar a oferta educativa do centro asi como as listas de libros e material do curso na nosa páxina web. Para os posibles bolseiros, está dispoñible na web toda a información relacionada coas Bolsas e Axudas ao estudo convocadas polo Ministerio. Lémbrase que o prazo para solicitude de ditas axudas está aberto ata o 1 de outubro.
Dende o 3 ao 12 de setembro ás 13:00 horas estará aberto o proceso para a admisión e matrícula no Programa de Cualificación Profesional Inicial así como para os Ciclos Formativos para o curso 2012-2013.
O luns 17 de setembro a partir das 10h da mañá, será a presentación a todos os alumnos de Secundaria e Bacharelato do novo curso e o martes 18 para os Ciclos Formativos e o Programa de Cualificación profesional Inicial .
As clases do curso 2012-2013 iniciaranse o martes día 18 de setembro en ESO e Bacharelato e o mércores 19, en CF e PCPI no seu horario normal.