Viveiro potencian o turismo e as vendas de produtos autóctonos coa celebración do Mercado Renacentista
Deputación e Concello de Viveiro potencian o turismo e as vendas de produtos autóctonos co Mercado Renacentista
– Mañá arranca a 5º edición deste festexo que en 2011 xuntou a máis de 10.000 persoas, xerando un volume de negocio e rexistrando unha ocupación hoteleira semellante á da Semana Santa
– Dentro da aposta polo impulso dos recursos naturais para xerar riqueza, o organismo provincial asume o 40% do orzamento deste evento, con 4.000 euros
– Os actos, que comezarán co desembarco de Carlos V e Juana la Loca na Ponte da Misericordia, inclúen unha cea renacentista cuxas entradas están á venda na oficina de turismo a 25 e 10 euros
Deputación e Concello de Viveiro potencian o turismo e as vendas de produtos autóctonos coa quinta edición do Mercado Renacentista. É o festexo que lembra o pasado histórico desta localidade mariñana e que arrincará mañá, prolongándose toda a fin de semana. O Alcalde viveirense, Melchor Roel, destacou hoxe a nova suma de esforzos entre ambas as dúas institucións na organización desta cita que atrae a milleiros de visitantes á Comarca. O organismo provincial, dentro da súa aposta polo impulso dos recursos naturais para xerar riqueza, asume o 40% do orzamento necesario, con 4.000 euros. E é que hai que ter en conta que máis de 10.000 persoas participaron na pasada edición deste festexo, xerando un volume de negocio e rexistrando unha ocupación hoteleira semellante á da Semana Santa.
O Mercado Renacentista -que este ano se estende á rúa Irmáns Vilar Ponte, Avenida Cervantes e ó Claustro de San Francisco- contará con máis de 70 expositores nos que se porán á venda produtos coma pan, embutidos e queixos, mel, frutas e verduras; así coma pezas de coiro, xoiaría, cestaría, madeira ou téxtil. O Concello facilita ós produtores e ós artesáns de Viveiro a ocupación dos stands de xeito gratuíto en impulso dos negocios. Ante esta oportunidade económica, moitos destes profesionais xa fixeron a súa reserva.
Coa celebración desta cita, Viveiro súmase ós Concellos da provincia cos que a Deputación colabora na organización de iniciativas que son un pulo para as economías locais. Por exemplo, a Festa da Cereixa e do Aceite de Ribas do Sil, a Festa da Androlla de Navia de Suarna, a do Berberecho de Foz ou a dos Callos e a Cantería de Guitiriz, que terá lugar a vindeira fin de semana.
Carlos V e Juana la Loca
Os actos do Mercado Renacentista arrancarán mañá co desembarco de Carlos V e de Juana la Loca, este ano representandos por Carlos Nuevo, cronista oficial de Viveiro, e María Loureiro, 2º Tenente de Alcalde. A comitiva partirá nunha barca de remo dende Os Castelos de Covas ata a Ponte da Misericordia, dende onde se dirixirá á Praza Maior de Viveiro. Neste último espazo, Carlos V pronuncirá o pregón para comezar oficialmente coas celebracións.
As rúas de Viveiro serán escenario de numerosas actividades: música, teatro, xogos infantís e ata exhibicións de catapultas ou cetrería. Ademais, haberá unha cea renacentista, que tera lugar o sábado, sendo un dos actos máis populares da festa. Nesta convocatoria, serán máis de 500 persoas ataviadas con traxes de época as que cearán uns no centro de Viveiro e outros nos locais de hostalería participantes. Os interesados en acudir á mesma poderán retirar as súas localidade na oficina de turismo a un prezo de 25 euros para os adultos e 10 para os nenos. O menú inclúe variedade de produtos gastronómicos típicos coma empanada, pulpo, lacón ou queixo.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
