A Xunta dá o visto e prace ao Plan de Incendios para 2012, cun incremento do orzamento en 3,4 millóns para prevención e con melloras organizativas e técnicas para ser máis efectivos, como a posta en marcha dun sistema de videovixilancia
· “Garantimos que os montes galegos teñan a mesma vixilancia por terra e por aire que tiñan nos últimos exercicios: a través de medios humanos; a través de medios materiais aéreos aos que se sumarán as forzas e corpos de seguridade e a través dos medios materiais terrestres, fundamentalmente motobombas”, afirma Feijóo.
· O plan incrementa o carácter estrutural do operativo antiincendios, con case 1.000 traballadores fixos-discontinuos.
· Prevención, detección, disuasión e investigación serán os obxectivos das cámaras de videovixilancia que se ubicarán en puntos estratéxicos dos montes galegos.
· Feijóo salienta que o Goberno galego non se cansará de demandar a colaboración dos galegos para que non se queime Galicia. “Neste problema estamos embarcados todos, o Goberno o primeiro, pero é imprescindible a colaboración da sociedade”
Santiago, 21 de xuño de 2012.- O presidente do Goberno galego, Alberto Núñez Feijóo, avanzou este mediodía, en rolda de prensa, que a Xunta deu hoxe o visto e prace ao Plan de Incendios para este ano 2012, cun incremento do orzamento en 3,4 millóns de euros máis nos labores de prevención e con melloras organizativas e técnicas para ser máis efectivos, como a posta en marcha dun sistema de videovixilancia. “Aprobamos definitivamente o plan para actuar en todas as frontes necesarias que nos permitan: evitar ao máximo posible os lumes forestais e, en segundo lugar, reducir ao máximo o dano ocasionado polo lumes que se produzan”.
Deste xeito, Feijóo explicou que o plan conta con 4 aspectos a destacar: “mantemos practicamente o dispositivo de vixilancia e extinción do pasado ano; incrementamos o carácter estrutural do operativo antiincendios, con case 1.000 traballadores fixos-discontinuos; reforzamos o orzamento global 1,4 millóns máis que o ano pasado e reforzamos dunha forma especial o orzamento destinado a programas de prevención cun presuposto que medra 3,4 millóns de euros e, introducimos algunhas melloras organizativas e técnicas que nos permitan ser máis efectivos na loita contra o lume, especialmente coa posta en marcha, por primeira vez, dun sistema de videovixilancia nos montes galegos”.
No que se refire ao mantemento do dispositivo, o titular da Xunta subliñou que se garante a cobertura de todos os concellos galegos e a cobertura de toda a xeografía galega. “Garantimos que os montes galegos teñan a mesma vixilancia por terra e por aire que tiñan nos últimos exercicios: a través de medios humanos, que patrullarán os montes; a través de medios materiais aéreos aos que se sumarán as forzas e corpos de seguridade e a través dos medios materiais terrestres, fundamentalmente motobombas”.
“Incrementamos tamén –engadiu- o carácter estrutural do operativo e creamos 936 prazas de fixos-discontinuos de tres meses para o período estival de máximo risco: 436 prazas de fixos-discontinuos do Servizo de Defensa contra Incendios Forestais; e outras 500 de brigadistas tamén fixos-discontinuos de tres meses na empresa pública Seaga. En total, 936 persoas que adquirirán este tipo de contratación”.
No tocante ás melloras organizativas e técnicas, Feijóo incidiu na decisión de poñer en marcha, por primeira vez, un sistema de cámaras de videovixilancia en montes galegos, en puntos estratéxicos. Neste sentido, subliñou que se trata dun sistema de control permanente eficaz, capaz de localizar focos de lume e fontes de calor e aos presuntos autores dos lumes forestais. “Nas próximas semanas os técnicos de Montes irán completando o estudo e se determinarán cales han de ser as ubicacións óptimas destas cámaras con dous obxectivos: como arma de control, xa que servirán para a detección rápida e, por tanto, para a rápida extinción dos lumes; e como arma disuasoria para limitar a actividade dos pirómanos. En definitiva: prevención, detección, disuasión e investigación serán os obxectivos das cámaras.”.
Así mesmo, Feijóo afirmou que o Goberno galego non se cansará de demandar a colaboración dos galegos para que non se queime Galicia. “Neste problema –dixo- estamos embarcados todos, o Goberno o primeiro, pero é imprescindible a colaboración da sociedade”.
Solidariedade co funcionario ferido onte
O presidente da Xunta quixo tamén transmitir a solidariedade de todo o Goberno galego ao funcionario ferido, onte, “por actos violentos e bandálicos de persoas que participaron cheos de intolerancia nunha concentración nas inmediacións de Seaga”.
“Puido haber lesións graves e incluso desgrazas persoais irreversibles”, lamentou o responsable do Executivo autonómico, logo de expresar o seu desexo de que todo o mundo, “especialmente as persoas que convocaron ese tipo de actos que foron ao final actos violentos e bandálicos”, condenasen o ocorrido.
“A inmensa maioría dos brigadistas de Seaga están avergoñados do que onte fixeron algunhas persoas, que puxeron en risco a integridade física de empregados públicos que estaban cumprindo, no seu lugar de traballo, co seu deber”, concluíu.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
