Onte deu comezo o curso de elaboración de mermeladas e conservas caseiras, que organiza o Banco de Tempo do Concello de Burela en colaboración coa asociación de amas de casa. Segundo explica a responsable do Banco de Tempo, Pilar Prieto, “estamos a participar unhas 25 mulleres. A primeira xornada, que foi a de onte, resultou moi amena. As asistentes estivemos aprendendo a facer mermeladas de fresa, de tomate e de laranxa. Hoxe adicarémonos ao envasado e programaremos as actividades que desenvolveremos a vindeira semana”. O curso, que se está a impartir nos locais da asociación de amas de casa, desenvolveráse todos os mércores e os xoves do mes de marzo en horario de 17:30 a 19:30 horas.
