Nota de prensa
AARÓN FRAGA E ANDRÉS MÍGUEZ DEFENDERÁN A GALEGA EN LOGROÑO (8-11 DE MARZO)
Os xuvenís burelistas Aarón Fraga e Andrés Míguez defenderán finalmente a Galega no Campionato de España de Seleccións Territoriais Sub-19 que se desenvolverá esta semana en Logroño, coincidindo coa XXIII Copa de España 2012. A expedición irmandiña, que realizou onte o último adestramento no pavillón compostelán de Roxos, partirá con rumbo á cidade rioxana o xoves, baixo a batuta de Santiago Valladares.
Madrid e Murcia serán os rivais da Selección Galega entre o venres e o sábado, no pavillón Lobete. O domingo a Palacio dos Deportes acollerá a final.
Xunto ao Burela FS Pescados Rubén, tamén estarán representados na convocatoria sub-19 o Autos Lobelle FS (Gonzalo Alonso, David Pazos e Mario García), Azkar Lugo FS (Alejandro Diz, Adrián González e Diego Núñez), Melide FS (Javier Mosteiro), IES Coruxo (Andrés Pinilla), Bueu FS (Mauro Álvarez) e Cidade de Viveiro (Miguel Louzao).
Xoves 8 de marzo: Xornada 1ª (pavillón municipal de Lobete)
11:30 horas: Melilla-Andalucía
13:30 horas: Madrid-Murcia
Venres 9 de marzo: Xornada 2ª (pavillón municipal de Lobete)
11:30 horas: Perdedor Melilla-Andalucía vs Valencia
13:30 horas: Perdedor Madrid-Murcia vs Galicia
Sábado 10 de marzo: Xornada 3ª (pavillón municipal de Lobete)
11:30 horas: Gañador Melilla-Andalucía vs Valencia
13:30 horas: Gañador Madrid-Murcia vs Galicia
Domingo 11 de marzo: FINAL
12.00 horas: Palacio dos Deportes da Rioxa